李璨琛女兒元元升讀K2開學look曝光 頭頂一滴汗變焦點

李璨琛（Sam）囡囡李元元（Lucy）向來鬼馬兼可愛，4歲的Lucy今年升讀K2，昨日（5日）正式開學，Lucy媽媽梁志瑩（Sophia）在社交爆囡囡笑料百出，指Lucy揀選了「一滴汗」髮夾上學，還坦白表示返學玩到「唔記得咗媽咪」。

Lucy媽媽Sophia寫道：「今（昨）晚食飯嘅時候，循例都問吓佢返學有冇掛住老母。佢答得超快話有，精明老母睇穿咗佢，笑笑口咁講：『你肯定冇掛住我啦！』然後佢語帶相關話：『媽媽呀！sorry呀！其實呢其實呢……頭先我返學嗰時……我全日呢……都真係唔記得咗你喺邊……』不過呢……唔緊要㗎……其實真係冇所謂㗎……」語氣相當無奈，非常搞笑。Sophia還以hashtag笑說：「當時我想夾10個一滴汗髮夾喺我個頭上面」、「又好笑又想喊」、「心挖了個洞」。

今午Sophia貼出今早送Lucy返學前的影片，見到Lucy攬實媽媽說自己：「噚日唔記得咗你……」Sophia都即刻氹返囡囡說：「唔緊要啦！」兩母女非常sweet。

不過，網民留言就集中在髮夾，大讚「個髮夾好正」，連蔣家旻也留言說：「滴汗好似正到key上去咁！」更有不少網民問：「求髮夾喺邊度買？」大讚Lucy有潮流觸角。

Sophia在Lucy返學前攬實囡囡影相。

Lucy所選的「一滴汗」髮夾，就連蔣家晏都說似key上去。

今年4歲的Lucy，正式升讀K2。

Lucy返學前，當然也要打卡。