豬肉威威潛水逾40日被爆生日會拖糧 公關證「經理人」已離職
2022-09-25 21:00 
36歲荃灣「豬肉佬」劉宋威（威威）今年5月突然爆紅，「威粉」更於社交網成立「荃灣鮮肉威威應援團」，吸納逾萬人關注，更於商場舉行生日會，風頭一時無兩。不過隨住負面新聞及舊照流出，好老公、好老竇形象崩壞，瘋狂被網民狙擊。最終其「終極一脫」除下口罩拍廣告，真面目曝光，即出現「走粉」潮。其專頁及應援群組自上月15日後已無再更新，粉絲大爆連群組管理員都失蹤，加上經理人李小姐、豬肉檔大佬文哥及威威助手Maggie一律已讀不回，威威的星途僅維持57天便玩完。
【點擊睇威威星途】：
潛水多日的威威，被不少網民在最後的帖文下留言：「上次你哋藝人生日會戈（嗰）度公關公司仲未出糧。再問又吾（唔）覆，你哋公司可否正式下（吓），我哋真係又身水身汗去左（咗）會場，實行左（咗）通告兩小時的工作，但現在追討無門。」自稱被拖數的網民更回覆其他人，表示曾透過WhatsApp追數，但對方已讀不回：「吾（唔）喺（係）有心留言講呢啲嘢但我冇曬（晒）辦法」，又問其他網民意見：「你哋如果知道公司邊個出糧可否幫我問吓」，但不少人認為追數凍過水。
有傳媒成功聯絡有份幫手搞威威生日會的公關公司人員，當問到有人社交網公開追數一事，該PR對此感到愕然，表示公司只負責枱面嘢，例如活動流程、新聞稿及見記者，只是為商場搞活動，其他事不太清楚，要問返威威。PR又表示其公司沒收到追數訊息，因此認為拖糧問題與商場無關，而威威的「經理人」文哥亦已離職。而日前他曾返豬肉檔開工，不過一直低頭斬豬肉，未有受訪：「唔做訪問，我唔得閒，做緊嘢啊。」
【其他文章】：
郭富城入行32年罕有發感性文：「對你愛不完」是不變的默契，有你們真好
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應