深宵閃避球丨張致恆《死性不改》惹負評 張敬軒暗寸做一個artist要先學做人

張敬軒（軒仔）昨晚出席英皇電影《深宵閃避球》首映禮，談到前BOYZ成員張致恆出出席內地樓盤開幕活動唱《死性不改》狂走音，遭網民狠批兼負評如潮，其後他辯稱喉嚨痛，問軒仔會否給對方過幾招唱歌技巧？軒仔說：「做一個artist要學做人先，呢樣比較重要，如何在生活或工作當中做一個負責任角色，對工作團隊或屋企人都係，表演做得好之前，首先要有責任心。」

軒仔專登捧場。

軒仔似乎係嚟偷師！

 

張致恆又惹是非！

張致恆唱經典歌都出事！

昔日好友軒仔都忍唔住出聲。

 

張致恆的老婆仍然未有放棄老公。

軒仔又稱特地來支持應智贇導演和取經，因其主演的賀歲片《超神經械劫案》亦是應智贇執導。軒仔透露已開始進行拍攝，過程順利又開心，有爆破及很多動作場面，自爆有受傷，但與拍攝無關，他說：「有受傷，但唔關套戲事，整親條腰。（男人條腰好重要！）我知，冇事嘅。（如何弄傷？）擔擔抬抬跣腳，日前行唔到添。」軒仔表示拍攝《超》片盡量不用替身，並有專人指導，他指Jeffrey（魏浚笙）有更多動作場口，比較辛苦。軒仔又透露最後一場是群打戲，他與王菀之合力打其他人，笑指王菀之身手比他好，又笑言反而擔心其他演員，因刀劍無眼。

【相關閱讀】：

張致恒疑出軌兼欠債後接商演搵錢 唱歌走音被狼批：比陶大宇更差

張致恒曾被指一腳踏五船 老婆雯雯剖白3年婚姻感受：傷心失望開心

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ