Juicy叮｜港女外賣米線驚見疑似半粒牙印墨魚丸兼咀嚼肉碎 譚仔解開疑團

買外賣被偷食？有女網民昨日（11日）在facebook群組「中伏飲食報料區」發帖，表示於鴨脷洲海怡廣場1間連鎖米線店購買外賣，但進食期間驚見碗內其中1粒墨魚丸有被咬過的痕跡，令她大感嘔心。

相關新聞：Juicy叮│外賣水餃臨食完驚見「加料」 網民：好彩係成隻完整：https://bit.ly/3ek4PEN

Juicy叮│叫外賣十幾分鐘連打158次電話 港女公審米線店反捱轟：https://bit.ly/3ECRdPG

顧客透露，「食食下見到其中一粒墨魚丸俾人咬咗一啖」，還有「加料」懷疑被嘴嚼過的肉碎，由於女顧客她並無叫肉類，故認為「唔知係咪人哋𦧲出嚟嘅肉渣」。從照片可見，墨魚丸上確實有個牙印。

女顧客形容墨魚丸看似被人咬了一口。中伏飲食報料區網民圖片

墨魚丸缺損了一部分，女顧客懷疑是被咬過的痕跡，令她大感嘔心。中伏飲食報料區網民圖片

湯碗中發現懷疑被咀嚼過的肉碎。「中伏飲食報料區」網民圖片

市民買外賣難以即時檢查食物有否異常。示意圖片

 

有網民叫外賣米線懷疑曾經被人食用。示意圖片

不少網民見狀都覺得匪夷所思，有人形容是「二手米線」，有網民猜測，「會唔會有客人退咗？廚房收返，擸下眼以為無食過，再出畀下一位客人？ ！點都好，好嘔心！」。

但也有人認為無需大驚小怪，「可能係運送嘅過程整爛咗啫，回收粒人哋食過嘅墨魚丸對廚房來講咁麻煩咁多工序，應該唔會咁做」、「廚房𢳂餸有時會刮爛，試過畀人投訴就係咁嘅樣」。

涉事連鎖店譚仔回應傳媒查詢表示，經調查後發現，是次事件為個別員工誤將不合規格產品，即爆開的墨魚丸煮製售出，讓顧客產生誤會，譚仔深表歉意，已警告該員工，同時將加強員工培訓，以確保食品質素達到既定標準。

譚仔強調，高度重視食品質素，並有嚴謹的食品製作及處理流程，食物煮製與處理客人剩食是兩組完全分離的動線，有關食品絕不可能是廚餘，客人可放心。
 

帖文轉載自群組「中伏飲食報料區」

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ