Juicy叮｜ 移英港人批3鎊「英國版兩餸飯」高脂高糖 劣食過兩餸飯

網上不時見到已移民的港人分享兩地在生活習慣等方面的分別。近日就有移英港人在網上發文，提到英國人午餐吃「3 pound meal deal」的文化，並詢問是否英國獨有文化，隨即引起熱議。

該名移英港人在連登討論區以「英國人Lunch食「3 pound meal deal」文化」為題發文，詢問「一份三文治加包細薯片加罐野（嘢）飲做Lunch，係咪英國獨有文化？」樓主又問到在歐陸、美加、澳紐會否有一樣的情況，並指該些食物是垃圾食物，而且高脂高糖，直斥「劣食過兩餸飯」。樓主又指，聽說在英國，不論是男女老幼、白領藍領、學生都會吃這些當午餐，但指如果自己365日亦要吃薯片及飲樽裝飲品，「烚蛋飲奶無咁嬲」，並質疑「點解唔自己整帶返公司食，三文治有幾難整呢？」

樓主詢問「一份三文治加包細薯片加罐野飲做Lunch，係咪英國獨有文化？」連登圖片

有人分享指，「夜晚買定第二朝平啲…£0.83 only」。連登圖片

有人分享指，「薯片可以揀生果盒」。連登圖片

帖文隨即引起網民熱議，有人直言「長期食，糖尿易」、「又肥又盛，日日食會死」等。另有人則解釋指，「英國人食晏係非常求其」、「因為返工通常得30min（分鐘）」、「因為英國一般打工仔食飯時間比較短 一般都係得半個鐘，假設你去餐廳，行要5分鐘，番（返）去要5分鐘，坐落埋位落單5分鐘，當整得再快都唔夠時間你食，所以一般都係求奇買啲野（嘢）食就算，同埋3 POUND MEAL DEAL 宜家多元化咗好多，唔止三文治，有啲意粉/ 壽司小卷/ SNAKE 果啲，除咗薯片有沙律等，又平又快又方便」。另外，有人則分享指，「薯片可以揀生果盒」、「可以揀三文治沙律/墨西哥捲餅/Poke+薯片/生果/烚蛋都見過 +汽水/能量飲品/咖啡」、「夜晚買定第二朝平啲…£0.83 only」、「通常Snack揀生果，飲品揀啡，不過飲品選擇太少」等。

帖文來源：連登討論區

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ