獨家丨湯寶如唔怕被稱老餅自認寶藏 囝囝鍾意睇仔愛聽MIRROR

相隔5年，51歲湯寶如（湯記）重現舞台舉行個唱，慶祝入行30周年。湯記形容時間過得太快，唔想再提敏感嘅數字，同時又唔怕俾人話「老餅」Out咗，仲強調：「大佬！我哋呢啲係寶藏，用老泥捽出嚟㗎，食完即冇事呀，真係家有一老如有一寶。」採訪：方騫平 攝影：朱偉彥

51歲湯寶如重現舞台舉行個唱。

湯寶如唔怕被稱老餅自詡為寶藏。

湯寶如唔怕阻住地球轉，認為所有人都會老。

湯寶如將於11月19日在西九戲曲中心舉行《約定你演唱會》，演唱會歌單唔止有經典作品如《感冒》和《緣份的天空》外，仲請嚟寶麗金年代的舊戰友，她畀少少貼士，指曾經跟呢位神秘嘉賓合唱過，而最大關鍵係，男歌星現正巡演中。 

湯寶如將於11月19日在西九戲曲中心舉行《約定你演唱會》。

51歲嘅湯寶如不經意show到quali喎！

湯記為舉行個唱積極做運動減肥。

為兒子撲陳奕迅飛

提到個唱撞正TVB台慶夜，湯記大笑說：「我都50歲人啦，唔通着泳衣演唱嚟撼班姐仔、小花咩！邊夠佢哋撼呀？佢哋身材咁好，就算做女人睇到都好羨慕呀，𠵱家真係年青人嘅世界，好似MIRROR咁受年輕一代吹捧，我個仔16歲都鍾意佢哋，之前叫我買MIRROR演唱會飛，𠵱家就叫我撲陳奕迅飛，因為細個時，我經已播Eason嘅歌畀佢聽，佢反而唔聽我啲歌、唔睇我演唱會，佢為人好內歛對我唱歌冇評價，可能佢鍾意睇仔啩，而且成日喺屋企都聽到我唱歌。」不過，湯記相信兒子唔係鍾意男仔，只係喜歡模仿男團一啲造型。

湯寶如係開明媽媽，任由兒子自由發展。

湯記母子關係好好。

湯記囝囝已16歲，跟年青人一樣最鍾意MIRROR。

湯記幫兒子成功撲到陳奕迅飛。

湯記羨慕Summer Girls 個個都係有料之人。

雖然時代唔同咗，但湯記唔怕會「阻住地球轉」：「人係會老，長江後浪推前浪，𠵱家唔使keep住曝光搏殺，冇嘢做咪休養吓囉，留畀班後生MIRROR、炎明熹、曾比特啦。」

湯記5年前的演唱會，請到黎瑞恩做嘉賓。

湯記曾跟張學友合唱。

 

湯記有條件打風流工。

湯記努力做運動。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ