Juicy叮｜批部分日本景點虛有其表 網民熱議香港原來都有8大名城

不少人喜歡到日本旅行。有網民在網上發文，指日本有不少受追捧的景點令人失望，只是虛有其表及浪得虛名，並提出可參考相關包裝手法以推廣香港景點，隨即引起熱議。

該名網民在連登討論區以「日本最令人失望景點 以佢嘅包裝SELL吓香港嘅景點嘅話。。。」為題發文，提到在10個日本景點中，總有3至4個是虛有其表及浪得虛名，「影相就影到加晒Filter 好吸引人去咁，但去到就就只有『啲！咔嚓。拜拜』」。樓主舉例指，「大阪城公園影到座城池好宏偉，但上到去原來只係石屎建築」、「金鱗湖去到，原來只係一個池」、「天橋立，忍野八海，揸車山場水遠去到，原來不外如是」等。樓主亦指，「咩百選，三大，嚴選嘅喙頭就五花八門」，並指「度度溫泉都話自己係三大名泉」，又建議網民一同思考可以如何參與相關海報及包裝手法，推廣香港景點，包括「香港三大公園，兵頭，摩士，屯門」等，以吸引更多遊客。

請點擊組圖瀏覽：

樓主指，大阪城公園只是石屎建築。大阪城公園FB

樓主又指，「金鱗湖去到，原來只係一個池」。大分縣由布市官網圖片

有網民指出，荔枝角公園有特色。資料圖片

另有網民指，香港的夜景絕對是一大賣點。資料圖片

有人則提出，包括太古城在內的「香港8大名城」。資料圖片

相關帖文隨即引起熱議，紛紛列出香港較著名及具特色的景點，包括「九龍必食名物- 澳牛」、「河之水出！ 舊空港之極致美景～！！啟德河」、「Ifc天台」、「城門河日落都好好啦」、「真心，荔枝角公園有特色，應該可以打造成旅遊景點」、「太平山、獅子山、飛鵝山，香港三大名山」、「流水響，港版輕井澤」、「荔枝角公園嶺南之風、志蓮淨苑南蓮苑池，加多個就有香港三大名園」、「香港8大名城：太古城、又一城、麗港城、愉景新城、日出康城、新都城、沙田第一城、大埔超級城」等。有人則指香港的夜景絕對是一大賣點，「日本嗰啲所謂三大夜景，同香港比全部都不外如是」、「嘉頓山夜景級數」、「香港素來都係靠個夜景吸客」等。

相關帖文隨即引起熱議。網頁截圖

網民紛紛列出香港較著名及具特色的景點。網頁截圖

另有人認同樓主有關日本景點的看法，並指「真心日本好多景點都吹大咗，好多都圖片與實物不符，Filter得太勁」、「金鱗湖真係哂時間」等。同時，亦有人指「金鄰湖要係有紅葉嘅時間去先靚，如果唔係就好普通」、「其實日本有好多景點一定要某個季節或者某啲時間（清晨，黃昏，某一日嘅日落）去就會好靚，其他時間就好普通，但係啲人好多時抱住反正嚟到附近不如去埋嘅心態去睇， 就會覺得好廢」等。

帖文來源：連登討論區

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ