「浸大E神」楊梓瑤撰千字文講媽媽經 列24項小朋友「失禮行為」警世

𡃁模出身的楊焉（原名：楊梓瑤 Carol）多年前因為34E的導彈上圍被封「浸大E神」，一度在寫真界打響名堂，聲勢絕對不亞於娜姐周秀娜當年！不過她在2014年就已經退出娛圈轉行做瑜伽導師，去年更正式升呢做人母。不過近日 Carol 就在個人社交平台感觸發千字文，與網友大講媽媽經，更提出24項「失禮行為」警剔自己不能讓囝囝犯錯！

相關閱讀：浸大男神李坤潮奪「國際先生」第四名 靚女友拿燈牌接機Sweet爆曝光

【點擊睇浸大Ｅ神近況及其對囝囝的禁忌】：

Carol以「你想你嘅小朋友將來成為咩人？」為題，寫下千字文。

Carol表示，自己並不主張囝囝要入讀名牌學校。

最緊要係開開心心，唔使刻意去追成績。

仲列出咗24項「失禮行為」警剔自己和囝囝一定要避免！ ​

1) 細個唔識得叫人，要人提先識同人打招呼。

2) 直接呼喝工人名字。

3) 唔使講thank you就算被迫講thank you 都唔識望住講。

4) 唔肯認錯 全部要做第一。

5)輸咗即刻嬲到控制唔到自己情緒。

6) 因為見慣長輩飛拖鞋 所以對寵物都非常無愛心。

7) 食餐飯好似做獨角戲咁要全場attention。

8) 眼望住個電話 飯來張口。

9) 幾歲仲要剪緊嘢食。

10) 邊度都唔想去唔想郁 完全冇求知慾。

11) 淨係掛住打機。

12) 同親戚朋友聚會 飯餸唔啱鍾意 自己另外再order。

13) 大個見工份CV求其寫兩行 喺度怨點解自己冇人請。

14) 見工大遲到 怪交通怪天氣但又唔早啲出門口。

15) 臨面試嗰刻都唔知間公司嘅背景係做緊啲咩。

16) 少少頭暈身㷫就話要請假唔返。

17) 又或者前一晚玩到high晒唔記得起身返工。

18) 請假話自己唔舒服 但又將行蹤post晒出嚟。

19) 一句唔鍾意就咁喺WhatsApp度講佢唔想返工然後下落不明。

20) 少少挫折經唔起考驗。

21) 怨天怨地 就係唔敢再嚟多次。

22) 唔知自己興趣係咩。

23) 冇運動嘅習慣。

24) 冇去想了解自己係一個咩人嘅衝動。

Carol又表示，自己終於都明白做人父母有幾大責任，好在自己並不孤單，另一半都很支持自己的想法：「爸爸媽媽都唔係一啲有成就嘅人，亦冇賺好多錢 做嘢有時都幾辛苦，但我哋忠於己 做緊自己喜歡嘅職業，搵到一生嘅目標 希望你都可以」。

【其他文章】：

62歲齊秦臉容回春但身材崩壞 著冷衫腰間贅肉藏不住

吳岱融Sweet爆拖實老婆做核酸檢測 網民捕獲鍾淑慧驚訝脹爆走樣

張文慈制服誘惑！上圍迫爆套裝超短裙變性感眼鏡娘重現《縱橫四海》造型

 

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ