Juicy叮｜女友嫌棄兩餸飯 港男感不解：下次叫三餸飯會唔會開心啲？

不少人喜歡價錢便宜的兩餸飯。有港男在網上發文指，日前購買兩餸飯給女友，但被對方嫌棄，又指思考了很久亦不理解兩餸飯有何問題，並指「定下次我叫三餸飯唔知佢會唔會開心啲呢？起碼貴多幾蚊...」

該名港男日前在香港討論區以「女朋友嫌棄我買兩餸飯畀佢食」為題發文，指女朋友日前放假又不願外出，因此要求他購買外賣到她的住所，「佢又唔講佢想食咩，咁我咪求其買」。樓主續指，當自己到達其住所後，「佢打開個外賣見到係兩餸飯，就黑晒面，話做咩要買埋呢啲畀佢食，又嫌食cheap晒」。樓主直言，「其實我都唔明點解女朋友咁嫌棄兩餸飯！兩餸飯有咩唔好呀？又好食又抵食，又平又大份！有啲仲有嘢飲送」，又指思考了很久亦不理解兩餸飯有何問題，並指「買個兩餸飯畀女朋友食，佢都要畀說話我聽」，又指「兩款餸都冇一樣啱佢食咩？定下次我叫三餸飯唔知佢會唔會開心啲呢？起碼貴多幾蚊」。

相關帖文隨即引起熱議，不少人批評樓主的女朋友，指「好港女」、「唔同世界嘅人 」、「恭喜你有個高貴女友，你應該去五星級酒店買外賣先至合佢身份」、「食龍蝦鮑魚雙餸飯好無？」等。有人指出，「其實兩餸飯幾好食呀，係唔係你買果間太難食」、「買兩餸飯都有技巧，買牛腩蘿蔔、炸雞翼一定難食，穩陣一定係鯇魚、菜心牛肉」、「可能嫌食兩餸飯 cheap、啲餸冇益又太多味精？港女中意去高級餐廳食飯」、「咁都嬲，其實你地拍咗幾耐？」等。另有不少人則建議「揾過個唔會嫌棄你買兩餸飯嘅女朋友啦」、「分手算啦」、「分手啦，大家都唔夾」等。

帖文來源：香港討論區

 

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgY