餃子藏半吋長鐵釘 港女怒斥：俾老人家食到都唔知點
2022-11-14 22:29 
食物安全問題近年備受關注，有天水圍女街坊今日（14日）發文，稱自己在區內一間手工餃子連鎖專門店購買生餃子，其後煮熟進食時發現「個嘴好痛」，驚見一顆約半吋長的鐵釘藏於肉內，令她非常驚訝及憤怒，急急向食環署投訴事件，又指平日有多名長者排隊買餃子，直斥：「俾老人家食到都唔知點」。
該名女街坊於facebook專頁「中伏飲食報料區」上發文，指自己早前在新北江商場一間手工餃子連鎖專門店購買生餃子，其後煮熟進食時發現發現「食食下個嘴好痛」，「餃子入面有鐵釘，好彩發現到𠼱返出嚟，冇吞落肚，呢間嘢成日都好多老人家排長龍，俾老人家食到都唔知點」。
她又提到，自己事後多次嘗試聯絡涉事食肆，但一直無人聽電話，「好少過去買嘢食，嗰次就係見到咁多人排隊買一盒嚟試吓，如果唔係我屋企呢兩日有人確診，居家隔離緊，我就直接踩上去佢哋鋪頭」。
不少網民對於餃子內藏鐵釘感到驚訝，認為事主應立即通知食環署，「好彩冇吞落肚或者咬崩牙」、「太離譜喇」、「收買人命呢啲真係」、「唔係污漕咁簡單」。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應