王丹妮金髮Look索爆現身 葛綽瑤激罕晒性感低胸晚裝

王丹妮、泳兒、曾樂彤及葛綽瑤(Yoyo)等今晚出席時尚活動，活動上王丹妮以金髮Look現身，她表示這是假髮，又笑言這樣才能給大家有新鮮感，更指家中有很多假髮及衣物可配搭出席不同場合。

 

【相關閱讀】：王丹妮逆天長腿展露S身形 身材高挑望做Fashion Icon

 

【點擊睇王丹妮、葛綽瑤等活動靚相】：

王丹妮以金髮Look現身。

不過王丹妮話係假髮嚟。

王丹妮笑指咁樣先畀到大家新鮮感。

王丹妮表示屋企有好多假髮及衣物可配搭出席唔同場合。

王丹妮話喺《第35屆中國電影金雞獎》有提名已經好開心，希望大家知道香港仲有好多好演員。

泳兒以復古造型現身。

曾樂彤表示最近成功考獲車牌。

曾樂彤（左）、泳兒（右）。

曾樂彤（左）大讚泳兒（右）手車好。

泳兒（右）自爆泊車都會厚臉皮咁慢慢泊，搞到成日有男士主動落車代泊。

葛綽瑤(Yoyo)以低胸晚裝出席時尚活動。

左起：何洛瑤、許寶恆、葛綽瑤。

《季前賽》啱啱播完，Yoyo話有睇網民所有評語，亦會接收所有批評。

Yoyo表示慶幸一眾姜糖冇反感與姜濤喺劇中有親熱戲份。

 

王丹妮的老公羅孝勇正於澳洲讀脊醫，她興奮指老公將於聖誕節返港兩個月，更笑言已預備在機場放閃：「我絕對相信去機場見到佢，會撲過去攬住佢！」王丹妮認為現時與老公相隔兩地的相處狀況很不錯：「小別勝新婚，我好努力工作，佢又好努力讀書，平時夜晚都會約埋一齊打機同視像。」她希望老公能成為一個出色的脊醫：「我除咗腰之外，我成個人骨骼、神經都等緊佢。」由於老公曾表示希望成為脊醫後也能幫助家中的長輩，令她覺得很窩心。提到王丹妮主演的電影《梅艷芳》失落《第35屆中國電影金雞獎》的「最佳女主角」，王丹妮對此沒有失望，皆因有提名已經很開心，並希望大家知道香港仍有很多好演員。

 

同場的泳兒與曾樂彤以華麗復古打扮造型現身，雖然曾樂彤表示最近成功考獲車牌，但因座駕維修關係，故近日由泳兒充當司機送她返家，曾樂彤大讚泳兒駕駛方式很好，因為夠慢夠安全，而泳兒亦認為安全是最重要，所以就算慢到被「呠」也不介意，更自爆泊車時也很厚臉皮地慢慢泊，搞到經常有男士主動落車代泊：「不過最近成日搵唔到車位貪方便，諗住落車5分鐘買啲嘢就收到『牛肉乾』，呢個月收咗2、3張好肉赤。」

 

葛綽瑤(Yoyo)今晚以低胸晚裝出席時尚活動，Yoyo表示因為感覺沒有安全感，故平日很少作性感打扮，但她指多方面嘗試也是好事。Yoyo有份主演的劇集《季前賽》剛播完，不過她卻被一眾網民批演技差及把聲乞人憎，她指自己有看所有評語，亦會接收所有批評：「希望下一次有其他作品嗰陣時可以再做好啲，又或者係改善到，比大家睇到進步。」而她又感謝大家的支持，更謂所有評語對自己來說也是進步的動力。

 

對於劇中與姜濤有親熱戲份，Yoyo就表示慶幸一眾姜糖也沒有因此反感。提到姜濤最近入院做手術，問Yoyo有沒有慰問對方？她說：「冇同佢聯絡，知道佢有好多人關心，怕騷擾到佢，覺得應該畀佢安心休養，希望佢可以早日康復。」

 

【其他文章】：

陳自瑤性感DeepV喱士裙現身公然搲撈 預告台慶戰衣會令大家滿意

孫慧雪自爆是TVB「御用死屍」 重溫入行16年上位之路及唯一火辣寫真集

嚴選TVB五大金牌女司儀！4人港姐出身 樣靚身材正冠軍鬥執生超強殿軍

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ