Juicy叮｜男同事為女友隨身帶備Ｍ巾 網友奇招教路：落雨時咁用都得......

隔籬飯香，男朋友都是「人哋」的好。有女網友日前以「男同事個袋跌咗呢樣嘢出嚟」為題發文，指發現有男同事因為女朋友經期不準，而隨身為對方帶備衛生巾（M巾）以作不時之需，大讚對方是暖男，且揚言「唔係有男朋友嘅話我都有啲想追佢」。

網民回應請點擊組圖瀏覽：

女網民發文稱讚男同事。網上截圖

網友大讚「呢個男朋友唔錯」。網上截圖

有網友指「34cm夜用嗰隻可以當尿片用」。網上截圖 ​

 

網友提供另類用途，指「長途行山露營落雨用嚟做鞋墊一流」。網上截圖

網友提供的日本經驗。網上截圖

發文的女網友指「身邊啲男人好抗拒呢啲女性衛生用品，包括我阿爸同男朋友，如果去超市買嘅話佢地會叫我自己分開畀錢，唔係因為要賭錢覺得唔老泥，而係佢地覺得被人見到會好尷尬……」。

但她指，返工與一名不太相熟的男同事同升降機，「佢摷袋拎卡出嚟個陣唔小心跌咗塊M巾」。由於樓主表現驚訝，男同事連隨解釋「女朋友唔定期嚟M所以慣咗會幫佢隨身袋幾塊」。

對於這位暖男的表現，女網友直言「完全唔知原來有男仔會幫女朋友隨身袋住M巾係袋」，「真係人哋嘅男朋友永遠都唔會令人失望！」，還指「如果我唔係有男朋友嘅話我都有啲想追佢！」。

回應的網民都大讚做法「夠晒體貼」，指「呢個男朋友唔錯」。不過，在一片大讚聲中也有另類回應，且涉及到衛生巾的其他實際用途，包括「痔瘡出血，M巾好有用！坐都坐得舒服！」、「34cm夜用嗰隻可以當尿片用」、「我以前聽過有日本男人用M巾放係底褲入面，佢話咁就唔怕痾完尿痾唔清滲落條褲度比人見到水印」、「長途行山露營落雨用嚟做鞋墊一流」。受教了。

帖文來源：香港討論區

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ