陳煒甜蜜攬住醫生老公跟粉絲慶生兼賀新婚 提名視后率先獲「獎」
2022-11-21 19:45 
今天是被封為「民選視后」嘅陳煒(煒哥)49歲生日，亦係煒哥成為陳太後的首個生日，昨日煒哥的一班fans，特別舉辦了一個生日會，慶祝煒哥生日同時，亦慶祝她新婚之喜！席上除了一班痛錫煒哥的fans外，當然亦有她的幾位至愛，煒哥老公、家姐同姐夫都有到場，大家開開心心，齊齊祝賀煒哥牛一。一班fans慶祝煒哥雙喜之餘，更希望陳太今年能成為視后。
今日亦公佈了提名名單，煒哥憑《回歸》及《黯夜守護者》提名最佳女主角！問到有否信心奪視后，煒哥謂：「信心係一定要有，其實自己兩個角色都好鍾意，因為《回歸》同《黯夜》係兩個完全唔同性格嘅人物，所以都過足戲癮，最重要係觀眾鍾意。個人私心會更喜歡《回歸》鄧麗娟多一些，因為係適逢香港回歸25周年，感覺同所有香港人一齊經歷過去，憧憬未來，所以更有感覺和使命感。」另外，煒哥同安仔雖然是首次合作，但已經得到《最受歡迎電視拍檔》的提名，對此煒哥謂：「係有少少驚喜，因為同安仔真係第一次合作，出到嚟得到觀眾鍾意，真係好開心，希望大家都投我哋一票。」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應