法證先鋒V丨張國強大爆發跪地喊足一日 真刀脅持楊玉梅搞到成頸刀痕
2022-11-26 18:00 
無綫台慶劇《法證先鋒V》昨晚播到第10集，劇情講到張國強飾演的「武志佳」打算與楊玉梅飾演的「方穎兒」同歸於盡，其間與重案組發生激烈對峙。今次張國強在戲中飾演含冤入獄多年的滄桑低下層，與楊玉梅飾演「諗埋一邊」的悲情窮媽媽，演技一同大爆發，網民亦激讚兩位老戲骨相當好戲。
【點搫睇張國強挾持楊玉梅】：
張國強指最後一場拿刀脅持楊玉梅的戲份，拍了一整天亦喊足一整天：「呢套劇每場喊戲都需要唔同嘅表達，都幾考功夫。我自己最鍾意係ending，由脅持到同人對話再到幻想番個女主角（晶晶）出嚟，幾乎由朝到晚都係喊戲，甚至乎畀對手嘅反應戲，為咗做足啲我都係真喊嘅。呢場戲我好滿意，都好大滿足感。」為增真實感，今次脅持戲更是以真刀拍攝，雖然劇組已事先為真刀包膠紙，但由於脅持過程激烈，拍攝過程險象環生，楊玉梅更因而玉頸受損。張國強指：「我要講一大堆對白，又要喊又要好激動，拍咗一日搞到玉梅條頸有啲損損地同埋瘀咗，真係辛苦晒佢。」
楊玉梅則感激張國強全程錫住她：「佢好小心，擔心會整到我，雖然拍完都係好多條痕，但成件事真係幾難忘。嗰幾場戲把刀好近我哋個頭，又成日要影我哋大頭，所以係唔可以用假刀。」談到是次角色，她坦言很大挑戰：「我角色好慘好苦，場場都喊到豬頭咁，最慘係每場戲喊完個頭好痛、眼又腫，但可能下一場戲又唔使喊，又要令自己唔好腫得咁緊要。」她續指難以抽離角色：「有時放工都會唔開心，唔想同人接觸，好在呢個係一個短嘅故事。」
【其他閱讀】：
65歲呂良偉孖老婆獻唱鬥飆高音 楊小娟白滑長腿意外搶鏡台上錫錫放閃
魏駿傑離婚後銷聲匿跡低調湊女 前妻張利華躋身上流被網民翻炒偷食黑歷史
林子博17歲大女踏舞台表演超淡定 對囡囡適應文化極感觸：英國生活唔容易
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應