戀講嘢丨身材豐滿成人直播主男友每週至少偷食一次 被家暴刀劈縫9針先分到手
2022-12-02 19:00 
由「193」郭嘉駿、「浩南」鄭伊琪、郭奕芯和譚凱倫主持的ViuTV兩性清談節目《晚吹：戀講嘢》，日前播出的一集請來今年25歲「偷食專家」Erena分享經歷。Erena透露在蘭桂坊結識到當時男友，未正式拍拖前，男友找她去夜總會唱K，同行有其他男性外，更找了女陪酒：「我覺得好委屈，跟住走咗。」後來因為對方夠「厚面皮」而交往：「佢厚面皮係咁搵我，我受唔到呢套。」
【點擊睇偷食專家】：
193問到兩人第一次就去夜總會，之後會否怕對方偷食，Erena直言：「如果佢願意呃我，我覺得偷食唔係最大問題，但佢要講（大話）得好啲，即使偷食都要聽電話、覆訊息。」而對方每次都會自圓其說，令Erena心軟繼續交往，而且她指兩人性愛方面非常合拍。
兩人交往兩年，同居一年半，對方一直出軌，更是至少每週一次，後來又因對方開始「呃得唔好」而分手：「佢直接閂電話，8點機收工就閂電話，唔覆訊息。」193聽到後直說：「Erena要嘅好簡單，作個故仔呃佢就好。」Erean即刻表示：「係啊！我就係要咁之嘛。」Erena認為對方要偷食就要付出：「要不停應我。」後來兩人不時鬧交，193笑問：「做場愛，就會好返？」Erena直言：「做愛之外，佢都會加啲嘢，例如我未有銀行密碼，佢之後會畀咗我。」後來有一次，她更發現男友偷食開房證據：「好貴，仲要5000蚊。我梗係嬲，我都冇住過！」
後來為報復對方，Erena亦去偷食，一年間約偷食四至六次，不過對方卻毫無發發：「所以我好嬲！所以我話佢知，唔係即刻講，係之後鬧交嗰陣講。佢一開頭都唔信，拎返出嚟畀佢睇（通話記錄），我個心好唔忿氣。」之後Erena更因此被家暴，不過兩人繼續交往，陷入家暴、開房、偷食的輪迴，最後男友動刀而正式分手：「有一日佢𠝹咗我一刀，有一次佢以為我去偷食，其實我冇，佢拎住把刀，我話：『我有我一定認』，但佢都係唔信，之後唔小心割到，成手血，鏠咗9針。」
【其他閱讀】：
鄧萃雯北上放棄靚樣驚人爆喊逐格睇 面容扭曲爆青筋現頸紋網民讚專業
前J2女神梁凱晴離巢大解放 亮相旅遊節目連換5套三點式玩波晒豐滿上圍
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應