王賢誌自爆曾喜歡吳家樂 結婚六年談出軌：大家同意就唔算

王賢誌（Vinci）主持的J2節目《仔仔一堂》引起不少話題，近日接受林柏希在網上平台節目《月傾會》訪問，林柏希問Vinci有咁多身份，主持、拍劇、生意人、又做過主席，最近更做埋電視節目《仔仔一堂》嘅製作人。眾多身份角色，最鍾意做邊瓣？Vinci講笑話：「最鍾意梗係做人哋老公啦！」他更唔介意大談同性婚姻。

Vinci接受林柏希在網上平台節目《月傾會》訪問。

Vinci自爆最鍾意梗係做人哋老公！

王賢誌大談同性婚姻。

林柏希追問Vinci嘅問題好到位。

同Kevin唔會分手

Vinci透露：「我哋拍咗7年拖先結婚，𠵱家結婚有6年， 即係有13年！」原來兩人係對方嘅初戀：「我又覺得佢幾好喎，Kevin係同我完全兩個世界嘅人，佢識煮飯、種植同養動物，平時睇YouTube片係睇劏魚、鋸木；我就鍾意睇騷、表演同時裝，我同佢好唔同，反而喺對方身上發掘到唔同話題。」問到有否肉體或精神出軌？他反問：「如果大家同意就未必等同於出軌啦？我同佢冇七年之癢嘅，如果有嘅話，就喺我哋認識第7年發生咗，唔需要等到結婚嘅第7年。一對戀人點相處兩個人知就得，唔需要牽涉太多人去估，（如果冇同意出軌會點？）唔會分手，大家都咁多年，需要溝通同理解囉，大家好似覺得我好花弗啦，好多花花，草草，其實唔係，我不知幾咁dry，我覺得我同Kevin係冇乜嘢可以令我哋分手。」他又指自己係有心思嘅人：「試過plan過一日入面有5個節目，又畀surprise佢；佢會畫啲嘢畀我…」

兩人不時互相送上驚喜。

不經不覺已結婚6年。

王賢誌同Kevin雖然係兩個世界嘅人，但好夾。

最近剛剛播出嘅《仔仔一堂》，Vinci係製作人，點解會籌備呢一個節目呢？「其實都係timing呀！咁啱呢幾年COVID啦，好多嘢都翻天覆地停晒，咁啱我有另一個partner都係製作人，我最特別嘅身份，就係我個gay identity，同埋一個咁公開嘅identity，我唔希望令人哋一聽到呢個節目名就會諗，『有冇搞錯呀，教人哋搞基。』其實唔係，如果齋係訪問，由唔同嘅同性戀者講自己嘅故事，好似documentary咁好悶啦，dating係個包裝啫，最終佢哋date唔date得成，其實唔緊要，最緊要係佢哋個過程！」

王賢誌近日主持的J2節目《仔仔一堂》引起不少話題。

他強調節目唔係教人哋「搞基」。

拍攝期間，遇上Vinci人生大考驗，係Vinci媽媽同Kevin嘅媽媽相繼患上重病！他一方面好投入去做呢件事，另一廂其實日日都出入緊醫院，心情其實係好沉重又複雜。由於Kevin媽媽喺澳門，他和Kevin一齊返咗澳門，隔離14日，目的係見佢媽媽嘅最後一面！直至節目拍到尾聲，Vinci媽咪離世前，他跟Vinci探媽媽時，Vinci媽喊住捉住兩人隻手，對Kevin說：「你媽媽𠵱家走咗喇，我就係你媽媽！你就當我係你媽媽啦！」Vinci說：「嗰刻我覺得，其實我做呢個節目，我有一個更大嘅使命，我唔係剩係想帶出，大家更認識gay嘅生活，而係我好想令到，同性戀者身邊嘅屋企人，都去明白，其實大家嘅包容同接納係更加緊要！」

Vinci媽媽離世後，Kevin以另一半身份參與喪禮。

王賢誌與父親王忠桐(前右)、母親胡麗明(前左)、兩位妹妹王賢慧及王賢德一家五口全家福。

2007年時他不滿資歷比自己淺嘅崔建邦可以做台慶司儀，炮轟當時無綫總經理陳志雲偏私，對於曾傳跟崔建邦不和，問到同邦邦仲做唔做朋友？他強調說：「係因為啲新聞，令到我哋大家有咗個隔膜囉，但係事過境遷再見返，反而你會覺得好珍惜囉！𠵱家都係朋友，見返冇嘢呀！好好呀！我其實未離開電視台之前，有同佢一齊去泰國玩添！」

同陳志雲及崔建邦仲係好朋友。

再問Vinci有冇鍾意過圈中男拍檔，如常合作的陳鍵鋒？他直認：「陳鍵鋒都算有啲好感，但未去到話鐘意！」他直認嗰時覺得有啲人外形及才華，其實他都OK㗎！」問到係咪吳家樂？他不諱言：「因為我同佢同一日試鏡《K-100》，所以識咗好多年！我諗佢sense到嘅！」

王賢誌坦言曾對同陳鍵鋒有少少好感。

最欣賞吳家樂才華。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ