世界盃2022｜專欄:日德出局教練問題？　

2022-12-07 10:00

經常聽到球迷討論，「邊隊領隊廢，唔識攻，隊波其實好勁」，幾隊教練備受批評的球隊日本、德國、比利時出局，真係的教練問題？

國家隊教練其實無太多時間同球員練習，在評教練時用球會嗰套，一啲都唔公平。要漂亮地贏，史上無幾多隊夢幻巴西、地上最強西班牙，根本就鳳毛麟角。求穩對於絕大部分球隊是王道，即使你隊波從來都無冠軍相，都要盡力攞最佳成績zb2才不負四年來的努力。若果保守係取得最佳成績的手段，根本無問題。不少球迷成日叫逼搶，要攻要搏，弱隊就係守㗎啦！無實力而亂攻，嗰啲叫自殺。

日本森保一有自知之明，靠突擊入到十六強，破埋最低控球率而贏波的紀錄，之後即使敗給克羅地亞，過程中仍盡力先開紀錄讓支持者看到希望。但若忘記對手係上屆亞軍的話，係嗰啲人個腦有問題，唔關教練事。德國就夠積極啦！分組賽最多攻門球隊，又如何？防守球員屎，一下就輸㗎喇！ -馬高

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ

關鍵字