Juicy叮｜港媽放任小孩診所內大聲高唱兒歌 男子用一招成功擊退

在街上總會遇到有人大聲播放影片或音樂。有診所助護則分享指，一名港媽放任孩子在診所內大聲播放及唱出兒歌，引起在場的一名男子，並選擇利用一招擊退對方。

該名診所助護透過Facebook專頁「診所低能奇觀」發文，提到在某一天的早上，有2至3名病人在診所內等待。當時，一位港媽帶同小朋友到場登記求醫，並在坐下後將電話遞給小朋友。其後，小朋友「開始進入忘我境界」，並在場大聲地播放人氣兒歌《Baby Shark》，又在場「擘大晒喉嚨」地高歌。

請點擊組圖瀏覽：

小朋友在診所內大聲播放及唱出兒歌《Baby Shark》。影片截圖

港媽隨後抱著小朋友並一同「眼超超」對方。《親親我好媽》劇照

不少人大讚該名男子的做法。fb截圖

有人笑言，「要贏癲嘅人，你就要癲過佢」。fb截圖

有人則大讚「個先生好正」。fb截圖

期間，現場一名正在等候求診的男子終於按捺不住，直言「呢度唔係卡啦ok呀」，該名港媽聞言後則回答「小朋友唱歌有分卡唔卡啦ok咩？你冇小朋友嘅？」。男子隨即表示，小朋友的聲浪「嘈住我哋呀」，港媽則指「你冇份唱先會覺嘈囉」。其後，樓主指，留意到「先生對眼好似閃爍緊...」，隨即心感不妙。

其後，男子決定加入並一同高歌，「不過人哋唱得幾個嘟，佢就嘟足全程」。小朋友隨即皺著眉頭向母親表示對方唱錯歌詞，但男子未有理會並繼續「嘟嘟嘟嘟嘟」。醫生隨後亦詢問樓主發生何事，樓主則無奈地回答「佢哋鬥緊嘈」。最終，小朋友因為無法忍受男子唱錯整首歌曲而暫停播放音樂，「而先生仲自己喺度『嘟嘟嘟嘟嘟嘟』多咗幾十秒」。港媽隨後抱著小朋友並一同「眼超超」對方，沒料到男子隨即詢問對方「覺嘈呀？一齊唱呀」。

相關帖文隨即引起熱議，不少人大讚該名男子的做法，並指「好想俾like嗰位先生」、「鬥癲 ，呢招高招」、「要贏癲嘅人，你就要癲過佢」、「個先生好正」、「先生高招」、「其實我覺得呢位先生先係正常人反應，洗咩嘈交㗎啫，畀我？我唱帝女花添，仲dodododo咁簡單？」等。

帖文來源：「診所低能奇觀」

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ