Juicy叮｜天生身形異於常人被叫怪物 港女倦極：好驚有一日撐唔住

雖然經常說外貌不代表一切，但是當自己的外表與其他人不一樣時，又是否有勇氣承受別人的目光？有港女在網上發文指，自己在出生時嚴重意外，導致手腳與身形與其他人不同，並因此被小朋友稱為「怪物」。她直言對現時的生活感到疲倦，並直言「我好驚有一日撐唔住」。

該名港女在Dcard討論區以「如果你係我，你會唔會想跳？」為題發文，提到自己在出生時嚴重意外，導致手腳與身形與其他人不同，「只係得塊面正常冇事」，在外出時更會被部分小朋友稱為「怪物」。她指，在這20年以來每日亦樂觀做人，「聽到難聽嘅說話當唱歌，盡量唔望人嘅目光」，並指從未責怪父母「點解要生成我咁嘅樣」，「以為只要咁樣生活落去，我唔會崩潰，可以平凡咁完結一世」。然而她指，隨著人越大感覺越痛苦，不敢再外出與親戚朋友見面，「尤其同我同輩嗰啲陸續出池（意指有拖拍）甚至結婚，我寧願死都唔敢再見佢哋。」

她續指，「成日都會諗，係咪我冇事就會有人中意？係咪我冇事，日子就會輕鬆啲？」她指，已經很努力去愛自己，努力讀書進修並學習更多事物，「但硬係覺得無論自己幾努力，都唔夠一個唔洗點努力嘅人好？」她又指，「呢啲日子已經過得好攰，企喺窗邊就有跳落去嘅念頭，揸住鉸剪鎅刀又會想鎅手，我好驚有一日撐唔住，真係做咗呢啲事。」

不少網民留言鼓勵樓主，並指「唔會跳，但因為我仲有生存嘅意志，好多美食都未食過，星未追完，動漫未追完，好多小說漫畫未睇，未想拍拖住，覺得拍拖好麻煩，冇其他人鍾意咁就由佢，反正有屋企人」、「每個人都有活着嘅價值，反而我係好敬佩一啲自強不息嘅人，即使外在環境客觀條件有限制，但係佢哋人生都活得比其他人不一樣」、「唔好同一般人去比，咁樣對你好唔公平，即係唔會搵隻猩猩同條鯊魚比㗎嘛，佢哋笑只係代表佢哋嘅無知，你就更應該堅強落去咁證明畀人睇你係得嘅」、「加油，只要一日仲生存，一日都可以揾到人生意義，世上都有好多人仍然活係水深火熱之中都繼續努力」、「你好勇敢好叻，嗰啲笑你嘅人根本承受唔到呢啲痛苦」等。

帖文來源：Dcard討論區

 

《星島頭條》APP經已推出最新版本，請立即更新，瀏覽更精彩內容：https://bit.ly/3yLr