全民造星V｜陳蕾On仔陳健安擔任導師有包袱：怕剪接後被誤解好mean

2022-12-15 17:00

陳蕾、陳健安（On仔）、馮允謙（Jay）與韋羅莎（Rosa）現身《全民造星V》記者會，宣布將由陳蕾與On仔，以及Jay與韋羅莎擔任2組導師。問到做導師有何準備？On仔表示都有觀看前4輯造星節目，當時身為觀眾有批評導師的選擇，現在責任落在自己身上變得緊張。而陳蕾笑言不知如何準備，希望提出精闢意見給參賽者：「會跟自己的心畀意見、講真實說話，但怕剪接後被誤解好mean，所以都有包袱！」On仔表示已和監製花姐開過會，會為自己的導師工作定義，希望能如朋友一樣陪伴參加者，將其最好一面放大。

問到如何揀選參賽者？陳蕾自認與On仔看法相似，欣賞才華之外更著重人品，不囂張的參賽者會加分。問到可會做惡導師？她笑說：「剛剛見了幾位，覺得自己太善良，畀分較其他人高2級！要收緊些。」On仔笑說：「剛開始見到乞人憎會講『麻麻哋』，現在會講「呢個唔得」好直接！」問陳蕾揀人標準會否參考師弟《造星2》的亞軍張天賦？她笑說：「咁又唔得，搞到標準太高，好大壓力喎！不過見到位都有少少MC影子。」陳蕾笑指參加者好高質，On仔又爆多人選唱《記憶棉》，更笑言今年較多混血兒，觀眾有眼福。二人直認會睇外型，但若參加者以「照騙」面試會扣分，On仔笑說：「仲有唔少人都騷上半身！（面試埋上半身？）又無叫除衫，但有叫拉高些衣服睇腹肌。」

【點擊睇《全民造星V》記者會】：