獎門人開心感謝祭｜阿Sa蔡卓妍首次上節目與低胸麥玲玲同場鬥性感

2022-12-18 22:00

最新一集《開心無敵獎門人》嘉賓陣容超重磅，包括有「一 Bob 即中隊」林盛斌（Bob）、蔡卓妍（阿 Sa）、麥玲玲、沈震軒、湯怡及麥秋成，及「豬隊友隊」林夏薇、湯洛雯、譚俊彥、黃智賢、崔建邦及黃子恆！

是集「綜藝大玩家」Bob 再次帶隊狂放笑彈，隊員玲玲師傅與入行 22 年首次上《獎門人》的阿 Sa 仲大鬥性感，非常搏命！話說第一回合「估嘢食」，「一 Bob 即中隊」竟率先派出身形嬌小的阿 Sa 孭起重量級代表阿 Bob，一開始阿 Sa 仍很輕鬆地讚件砵仔糕好好味，豈料後勁不繼，當阿 Sa 再次烏低身食嘢時，已明顯成身震晒兼要撳枱大嗌：「真係好重呀！」最爆笑是阿 Sa 之後僅以「平時我阿婆會整畀我飲」來形容「陳皮」，搞到跟「Sa 婆」素未謀面的 Bob 無奈苦呻：「我都唔識你阿婆……」由於 Bob 估極唔中，化身「人肉千斤頂」的阿 Sa 終於頂唔順慘叫：「好痛呀我條腰，快啲估呀！」場面爆笑。

【點擊睇《獎門人》精彩畫面】：

先來大合照。

阿 Sa 孭住 Bob 食嘢，真係睇見都辛苦。

玲玲師傅「瞓身」玩，睇住張枱呀喂！

沈震軒咬住棵菜畀玲玲師傅聞，乜真係聞到咩？

視帝譚俊彥食到成面都係蛋卷碎。

Bob 同沈震軒呢個動作扮緊咩呢？

多口 Bob 得戚地嫌杯奶細，獎門人即識做換杯大嘅過佢，笑咗。

有人寸玲玲師傅（左二）企起身同坐低好難分，邊個咁大膽？

「豬隊友隊」罰食辣辣壽桃包。

玲玲師傅好落力啜波，睇到啲隊員好肉緊。

全場起鬨叫「馬國明」，湯洛雯即刻搞笑舉手嗌停。

美女啜乒乓圖。

阿 Sa 呢個動作其實係扮緊獎門人。

譚俊彥同林夏薇都玩得好投入。

沈震軒穿背心晒麒麟臂，睇到玲玲師傅心心眼。

Bob（左）同譚俊彥兩個大男人撐住把迷你遮仔，好搞笑。

唔知第一次上《獎門人》嘅阿 Sa 玩得開唔開心呢？

林夏薇（左）、湯洛雯。

之後輪到身材姣好的玲玲師傅出場，她甫俯身即引起全場「嘩嘩聲」，而同隊的阿 Sa 亦絕不失色，她在「大電視」環節玩到小蠻腰都出埋嚟，相當吸睛！及後玩「彈遮遮」時，沈震軒也不讓女士們專美，換上黑色背心的他晒出一雙麒麟臂，連身旁的玲玲師傅也忍不住出手狂捽，並笑到見牙唔見眼興奮謂：「嘩！幾好福利呀！」

繼上月於台慶夜趣劇《一封信》中連灌 5 杯牛奶後，Bob 於「辣辣壽桃」環節再次上演「灌奶」經典場面，事緣遊戲期間獎門人忽然「搬龍門」，明明贏 Game 的 Bob 被要求飲奶「賀一賀」，身旁的嘉樂即「食花生」笑稱會配合對方說出《一封信》對白；此時沒好氣的 Bob 衰多口說：「咁細（杯）嘅？」獎門人聞言秒換「大杯奶」，Bob 即時唞大氣，更喝罵仍寸「杯嘢太細杯」的嘉樂：「唔好再講喇！」最後 Bob 一口氣乾掉兼冇再嘔奶，非常專業。另湯洛雯玩「啜乒乓」時戀情遭擺上枱，每當她上前啜波時，現場嘉賓、主持即起鬨大叫其男友「馬國明」三個字，搞到湯洛雯分晒心要嗌停，認真搞笑。

【其他閱讀】：

雷頌德移居英國變室內設計大師親操刀4間英式大宅逐間睇自住大屋極誇張

燈芯絨大王千金江鈺琪嫁莎莎太子爺何猷亨做戥穿石蜜蠟脫腋毛求速戰速決

陳煒性感大解放繼續晒蜜月靚相激罕著比堅尼騷火辣身材為網民取暖

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ

關鍵字