Juicy叮｜同性戀阿爺與男友同居 遭家人反對威脅送老人院

在現今社會下，都市人的思想雖然已經變得開放，但仍有部分人未能接受同性戀。有網民在網上發文指，其爺爺是同性戀，而嫲嫲則在8年前已離世。爺爺近年認識到現時的男朋友，兩人目前同居，但樓主父母甚為反對，並威脅要將他送往老人院，雙方直到現時仍然僵持不下。

該名網民近日在dcard討論區以「阿爺係同性戀」為題發文，指爺爺現時與男朋友同居，但可說是眾叛親離，而樓主父母亦「唔畀錢佢養老」。樓主提到，嫲嫲在8年前已離世，爺爺一直是自己一個人度過往後4年，直到在4年前因為參加中心活動而結識現時的男朋友。樓主指，「其實老年同性戀始終有老一輩嘅保守思想，相處過程唔會話有好親密嘅行為」，因此眾人一直只當作爺爺結交了一位新朋友，「佢老年生活又好悶多個朋友都好」，直到其男朋友提出要與他同居，「阿爸阿媽就覺得有啲唔對路」。

請點擊組圖瀏覽：

樓主指，爺爺近年認識到現時的男朋友，兩人目前同居。《叔．叔》劇照

樓主指，父母甚為反對，並威脅要將他送往老人院。《叔．叔》劇照

有網民直言，「我係咪睇緊真人版《叔．叔》？」《叔．叔》劇照

有人為爺爺找到自己的幸福而感到高興。網頁截圖

有人指，「要改變屋企人諗法係好難」。網頁截圖

樓主續指，「直到有一次阿爸偷聽到阿爺同佢男朋友講電話，聽到兩個男人之間超出友誼嘅對話先令到事情曝光」，並指他們隨後因此而大吵一場，「阿爸阿媽就已唔幫佢養老威脅佢，仲想送佢去老人院，不過最後傾唔掂，就變咗僵局」。樓主指，自己間中亦會偷偷地前往探望爺爺，「不過我細路仔都冇辦法幫到佢哋啲乜，但係我感覺到阿爺開心咗好多」。

不少網民則指，「你阿爺有你呢個孫仔真係好」、「首先好多謝你係唯一仲會理呀爺嘅人，對於佢老人家來講，經歷咗大半世人，抑壓咁耐嘅事，終於可以喺有生之年搵返自己，唔係易事，佢要跨越嘅障礙比大家想像中難，或者佢自己只係想人生完結前，做返一件唔會令佢遺憾嘅事。試下慢慢說服屋企人接受，當係了咗老人家嘅心願」。

網民又稱，「要改變屋企人諗法係好難，建立咗幾十年嘅價值觀唔會一時三刻改變到，嘗試慢慢說服佢哋啦，不過改變唔到都唔需要太難過嘅，你有盡力用自己嘅方式去支持爺爺就好，希望你爺爺幸福」、「爺爺值得得到佢想要嘅幸福，有你呢個孫理解同支持，應該會感到開心，如果其他屋企人可以接受就最好」、「如果我有個咁嘅阿爺我一定會好錫佢，畢竟真係還有勇氣同埋好型啊」、「為爺爺搵到自己幸福感到高興，都好彩佢仲有你呢個孫支持佢，多啲陪下佢啦，希望爺爺繼續開開心心」等。另有人則指，「我係咪睇緊真人版《叔．叔》？」

帖文來源：dcard討論區

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ