Juicy叮｜質疑商場男童剪影畫引誤會 家長籲投訴被批心邪

屯門愛定商場有剪影畫近日引起熱議。有家長日前在網上發文，指在商場的一幅剪影畫中，男童的大腿位置有凸出部分，「小朋友問我褲襠中間係咩呢，搞到我都唔知點答佢」，並指「商場可以搵咩政府部門投訴一下呢？」相關言論隨即被網民炮轟，並認為凸出部分只是短褲的褲腳，批評樓主「心邪」。

該名家長日前在facebook群組「真.屯門友」發文，指「啱啱經過畀小朋友問我褲襠中間係咩呢，搞到我都唔知點答佢」，又指「領展商場（愛定商場現時由民坊管理）可以搵咩政府部門投訴一下呢？」從其上傳的照片可見，在商場的其中一條柱上有一幅男童的剪影畫，男童的雙方高舉，其中一隻腳則跨過玻璃並做出跨欄的動作，而在其大腿位置有凸出部分。

請點擊組圖瀏覽：

該名家長發文指，「啱啱經過畀小朋友問我褲襠中間係咩呢，搞到我都唔知點答佢」。FB截圖

有人為照片加上顏色等，並指出凸出部分只是褲腳。「生仔要考牌系列」FB

有人為照片加工，並指「原post主自己心邪就認咗佢啦」。「生仔要考牌系列」FB

樓主在回覆網民留言時指，「由頭到尾我都冇話投訴啲乜嘢」。FB截圖

涉事剪影畫位於屯門愛定商場。資料圖片

帖文隨後引起熱議，並被分享至不同專頁及群組。有人認為凸出部分只是短褲的褲腳，並指「吓？呢個好明顯係褲邊囉，真係咩人諗咩嘢」、「仲以為佢想投訴個跨欄動作好危險，點知係條褲」、「應該係短褲隻角」、「點睇都係短褲飛起既褲腳嚟喎」、「條短褲囉…條友諗咩呀…」、「褲腳囉」、「係阿媽諗邪嘢咋～小朋友邊會諗啲咩呀～一睇就知係褲啦～低b」、「褲腳嘅影咁難認？」等。不少人則直斥「自己思想污穢，又要投訴」、「投訴咩？設訴香港教育制度令你咁蠢唔識同自己個仔解釋啲嘢？」、「原post主自己心邪就認咗佢啦」等。有人則指，「我覺得投訴好合理，做marketing 條友廢到一個點」。另有人則為相關照片加工，指出凸出部分只是褲腳。

另有網民則認為，如果樓主認為凸出部分是陽具，應向小朋友解釋清楚及灌輸性知識，並指「就算你覺得係JJ 咁咪順便教下個仔囉，咁你覺得佢係男仔定女仔呀？男仔有J都要投訴。你話佢畫Barbie 咁嘅樣，然後有J就話唔識答啫」、「成日睇到啲家長成日話唔識點同小朋友解釋呢樣嗰樣，睇到都鄙視。 大佬你大人嚟㗎，做咗咁多年人，係真唔識定覺得尷尬定覺得世事邪惡唔敢話畀小朋友知一啲事情？」等。

樓主隨後在回覆網民留言時指，「由頭到尾我都冇話投訴啲乜嘢」，並指「我只係投訴商場希望將呢個黑影變成彩色，咁咪知道係咩嚟囉，我都冇話係咩嚟，成班咁心邪㗎」。有網民隨後則回覆指，「你冇表達清楚，有誤解係好正常」。

帖文來源：「真.屯門友」

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ