Juicy叮｜冰鎮內臟賣相嚇壞人 網民急澄清係呢樣嘢......

有網民前日（23日）在facebook專頁「香港街市魚類海鮮研究社」上載兩幀相片，震驚網友之餘還勾起無限遐想，有人按耐不住直接問「點解晨早流流我睇到啲18禁嘅嘢？」。

面對大量「是甚麼？」提問，樓主回答得手軟——魚扣，魚的胃部，識貨的網民則補充是龍躉胃，並提供了烹調方法。

魚檔情況及網民回應請點擊組圖瀏覽：

有網民錯重點問圖中「82元果條係乜嘢魚？」，有人回答是「龍躉」。網圖

魚檔賣的魚扣，魚扣即是魚的胃部。網圖

網友見識了「原來魚嘅胃係咁嘅樣嘅～」。網上截圖

識食的網民形容「食落似豬肚」。網上截圖

有人指「紅燒正呀」。網上截圖

有網民稱「中芹甜豆抄一流」。網上截圖

網友認為「其實講魚扣唔係咁多人知係魚邊部分，直接講魚胃好過啦」。網上截圖

網民坦言「睇到真係赤一赤」。網上截圖

樓主指「有時d嘢唔明，大家研究研究」。網上截圖

網民笑指有人「心邪」。網上截圖

有網民上載準備烹調魚扣的相片。網上截圖

有網民上載食材準備中的相片。網上截圖

有網民上載準備烹調魚扣的相片。網上截圖

龍躉全身是寶，各部分均可入饌。外形肉酸的龍躉皮早前已嚇得網民頭皮發麻，如今這塊紅紅的龍躉胃更害得網友掩眼偷看。

樓主上載相片時輕描淡寫一句「老闆割咗條嘢賣」，網友即起哄，心邪地並以為「老闆想練『葵花寶典』神功？」，恐怕是「連根拔起」的「男人最痛」、「睇到赤一赤」、「好痛呀」、「打冷震」，另有人以為是「魚鞭」或「海狗鞭」；還有人指「查實點解哩個group咁鍾意po啲核突恐怖嘅魚，好似中晒輻射咁」。

相關新聞：
Juicy叮｜港女買烏頭不識「寶」 網民揭盅讚魚販有良心：https://bit.ly/3PSYP3R
Juicy叮｜肉酸相嚇煞網民狂問「乜東東」 崑崙鮑甫熬製成功：https://bit.ly/3C26vet
林月庭 - 烏魚扣｜甘美人生：https://bit.ly/3HYeTzB
兄弟中環釣獲百斤大龍躉：https://bit.ly/3hXxeSy
梁家權 - 金不換魚扣滋味｜好味大過天：https://bit.ly/3YZ9MVY

對於大家的浮想聯翩，樓主澄清「呢個係正常嘢嚟噶，魚扣啊，唔好諗得咁複雜。大家都係正常人嚟噶。有時d嘢唔明，大家研究研究」。

識食的網民則指，龍躉扣口感像豬肚，價錢「兩三佰蚊個」、食法五花八門，包括「黑椒炆」、「紅燒正呀」、「打邊爐，爽脆」、「中芹甜豆抄一流」，還有人說得詳細，指「買返去用鹽水洗晒啲污糟嘢，加薑飛水煮差唔多50分鐘左右，我鍾意薑蔥炒，加魚露、酒、濠油，一定要落唐芹」、「龍躉肚比豬肚更爽脆，炆海參蠔豉冬菇，超正」。

帖文來源：香港街市魚類海鮮研究社

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ