Juicy叮｜港媽遊樂場換尿片致遍地「黃金」 母子無辜誤中冀將心比心

清理好自己弄髒的地方是常識吧。有港媽早前帶同小朋友到九龍公園遊樂場玩耍，卻因另一名家長在滑梯換尿片並弄髒地方，導致兩母子誤中「黃金」，直言希望該名母親將心比心。

有港媽早前向facebook群組「生仔要考牌系列」發文，提到日前在黃昏時段帶同兒子到九龍公園遊樂場玩耍，「頭十幾分鐘我哋都玩得好開心，直至仔仔走去玩其中一條滑梯」。港媽指，當時突然有兩位小妹妹走上前，提醒他們「要小心條滑梯同附近嘅位置啊」。好奇的港媽隨即詢問原因，他們即回答「啱啱有個小朋友喺嗰個位置換片，嗰位媽媽換片嗰吓唔小心掉咗好多糞便喺度」。

相關新聞：

Juicy叮｜目擊男童playroom內用尿袋小便 家長發文公審引熱議：https://bit.ly/3Gk29lw
Juicy叮｜質疑商場男童剪影畫引誤會 家長籲投訴被批心邪：https://bit.ly/3C15vqY
Juicy叮｜家長無視幼兒著鞋踩診所梳化 港媽自行消毒籲有公德心：https://bit.ly/3BYdkOo

港媽指，由於當時已天黑，所以在玩耍時未有為意，但聞言後已心知不妙。她指「我望一望下面，成個地下都『令擸擸』」，隨即檢查兒子的情況。她指，「點知我哋鞋底中晒招，我仔成套白色衫後面都係『黃金』」，需要立即到附近的商場處理。她指，自己作為母親，明白間中或因情況不許可而需要在公眾地方換片，途中亦可能意外弄髒地方，但認為涉事者應將心比心，「有返啲公德心」，在換片後清潔好現場。她直言，「自己作為家長都唔為其他小朋友設想，完全不可理喻」，並提醒涉事家長「身教重於言教」。

不少網民紛紛留言指責相關行為，斥「其實側邊好似有長椅畀人坐，唔洗一定在設施入面換片掛?」、「隔住mon都聞到臭！」、「其實啲家長可唔可以尊重下細路私隱去廁所換片」、「正常人都唔會喺遊樂場換片，仲要喺九龍公園，有啲常識都知咁大個公園唔會無育嬰室，睇日期12月10日就算未係好寒冷都唔暖得去邊，露天咁換片唔怕凍親小朋友？」等。

帖文來源：「生仔要考牌系列」

《星島頭條》APP經已推出最新版本，請立即更新，瀏覽更精彩內容：https://bit.ly/3yLrg