Juicy叮｜獲外傭贈價值不菲頸鏈 港媽聞一句話即令感動變質

收禮物當然開心，不過有港媽則發文指，獲家中外傭送贈價值不菲的聖誕禮物，卻因為丈夫的一句話令感動隨即變質。

該名港媽日前在香港討論區以「冇諗到工人姐姐會送咁貴嘅聖誕禮物畀我」為題發文，指家中早前舉辦聖誕派對，「一家人好好地喺屋企食餐好嘅」。在用餐後，外傭取出一盒物品並送給她，她打開後發現是一條甚為漂亮的頸鏈，而且看似價值不菲，「收到嗰下真係好感動」。

棲主續指，回想起外傭早前生日時，丈夫送贈了一份昂貴的禮物給她，「但我竟然仲因為咁樣嬲咗工人姐姐」，現在看到外傭待她甚好，自己頓時感到慚愧。她指，「但諗咗諗，點解工人姐姐咁有錢送咁貴嘅禮物嘅時候，老公衝咗出嚟話份禮物係佢同工人姐姐夾份買」。其丈夫指，「因為工人姐姐同佢講，佢想送嘢畀我，但又唔多錢，所以老公就叫工人姐姐一齊夾少少錢買嘢送畀我」。樓主指，自己在聞言後，「聽到原來係咁樣買之後好似又冇咁開心啦」。樓主隨後又補充指，丈夫對外傭甚好，又指「如果佢唔係同我老公夾埋一齊送，我應該會開心啲」。

有網民稱讚外傭「好有心」，不過亦有部分人認為樓主丈夫與外傭「夾份買禮物」的行為奇怪，並指「送禮物唔使貴，係心意，無錢咪買盒 Lindor 。如果你無老作，你老公同佢有啲嘢，我係僱主」、「老公同工人夾錢買禮物，好特別。如果係我，我會叫工人平平地送就 ok，唔會同佢夾錢」等。另有人則批樓主「小氣小家」、「感覺你心地唔好，份人好鐘意猜忌，希望你唔係果種憎人富貴厭人貧果種人」、「女人真係好煩」等。

帖文來源：香港討論區