Juicy叮｜真．龍蝦公仔麵網友都嫌寡 捧出男神金城武煮麵要訣

一個霸氣的真．龍蝦公仔麵，掀起識食網民熱烈討論。樓主以「今晚沒飯食，簡簡單單煮個公仔麵……」為題，放上一個簡單的「蝦煮麵」，指「一煲過，簡單易煮」。回應的網民意見多多，有人搬出了男神金城武的煮即食麵大法，講解煮麵要訣。

「蝦煮麵」及網民回應請點擊組圖瀏覽：

原隻龍蝦「蝦煮麵」。網圖

樓主指「一煲過，簡單易煮」。網圖

網友形容為「富貴公仔麵」。網上截圖

有網民「認真問，啲麵會唔會腥得滯」。網上截圖

網友指龍蝦「煲粥好過煮麵」。網上截圖

有網友認為「一定要加埋冬蔭功」。網上截圖

金城武指導煮即食麵。電影《喜歡你》截圖

金城武在戲內七情上面教煮麵。電影《喜歡你》截圖

金城武指導最後倒水至八分滿。電影《喜歡你》截圖

對於這個「原汁原味」的「富貴公仔麵」，有網民「認真問，啲麵會唔會腥得滯」，回應的網友則建議「如果起咗啲肉，落薑炒吓啲蝦殼，jerd滾水落去做湯底，可能仲正」、「我就會XO醬龍蝦球炒公仔麵」、「加啲芝士同雞湯會好啲」、「菜都唔落兩條，簡單得滯」、「欠葱花」、「一定要加埋冬蔭功」，另有人認為龍蝦「煲粥好過煮麵」、，並擔心龍蝦殼「刮花個煲」。

相關新聞：

飲食熱話｜蔡瀾公開煮公仔麵心得 唔開爐加滾水焗 加2種平價食材 其中一款淘寶買：https://bit.ly/3jC8kIK
蔡瀾宵夜｜撰文自揭最愛一款日清即食麵 嫌麻煩不愛花時間料理 網友擔心健康：一個月一次好了：https://bit.ly/3PZw9Xc

更有網民直指樓主「煮得太粗暴， 應該用龍蝦殼熬湯， 蝦肉切粒低溫慢泡， 再用金城武煮公仔麵嘅方法加入龍蝦湯！」。

男神金城武在電影《喜歡你》內指導煮即食麵，重點是先不能放調味包，需先煮麵，放水後蓋上煲蓋煮，3分鐘後倒掉原本的煮麵水，之後才放調味包，並趕快攪拌。攪勻後注入熱水，倒至八分滿，等1分鐘才可進食。

帖文來源：香港街市魚類海鮮研究社

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ