Juicy叮｜目睹同事經歷令港女心淡辭職 反被男友批無聊矯情

有港女在網上發文指，早前一名已為人夫的男同事提早在太太預產期前夕請假，隨後卻被老闆指罵並要求趕回公司，令她對上司感到心淡並毅然辭職。沒想到，男朋友卻批評她無聊及矯情。

該名港女早前向facebook專頁「辦公室日報」投稿，提到自己在去年11月初辭職，並分享自己的離職原因。她指，某天老闆在步出房間後因有要事需尋找另一名男同事，獲告知其太太的預產期將至，因此他已提早請假。老闆隨即要求致電對方，並在通話中表示「你老婆生又唔係你生，你請假幫到件事咩？」老闆續指，「個客好急想要呀，快啲返嚟啦趕住呀！你搞掂晒啲嘢咪再去醫院囉，呢度頂盡搞兩三個鐘，會唔會咁蹺就係呢兩三個鐘出世呀？就算係都冇影響啦，唔通一出世見唔到你就唔當你係爸爸咩！」樓主直言，雖然自己與該名男同事並不相熟，亦並非要為對方抱打不平，但在聽到老闆的說話後感到心淡，「覺得繼續留喺度幫呢種人做嘢好冇意義」，因此在考慮兩日後決定辭職。

請點擊組圖瀏覽：

港女在目睹同事的經歷後決定辭職。iStock圖片

她事後與男朋友分享相關事件，男朋友卻批評她無聊及矯情。iStock圖片

有人支持樓主的做法，並認為事件可以令樓主看清男友及老闆。FB截圖

大部分人則建議樓主分手。FB截圖

有人則分享類似情況。FB截圖

有人則認為樓主太心急辭職。FB截圖

樓主又指，「老細把口咁賤已經有前科，佢心地差亦都唔係第一日先知」，並提到一名女同事早前因為排政府醫院割「朱古力瘤」而請假，「人哋排咗差唔多一年半咁長嘅時間，然後提早3個月同公司攞定假，呢個衰老細竟然臨尾想人哋取消假期」。該名女同事隨後向同事大呻，老闆致電她並指「『朱古力瘤』好小事，唔需要趕住做手術，公事要緊喎」。女同事堅決取消預約並強調在3個月前已提早請假，亦已獲老闆答應。

相關新聞：

Juicy叮｜部門經理辭職後自願減薪冀回巢 更向前老闆提一自私要求：https://bit.ly/3QetAR8
Juicy叮｜為照顧病妻轉工遇裁員致失業近1年 顧家港男食回頭草遭同事奚落：https://bit.ly/3vUiAiF
Juicy叮｜港男狂追靚女同事 新年突收利是始知愛情夢碎：https://bit.ly/3WHxqoo

樓主續指，事後與男朋友分享相關事件，但指對方在得知她辭職後甚為驚訝，又指「吓！咁無聊？老細唔畀嗰個男同事陪老婆生仔，其實都唔關你事㗎喎！個男同事都未辭職啦！你唔好咁矯情啦！年尾流流搞埋啲咁嘅嘢！」相反，當樓主與家人談及離職一事時則獲家人支持，母親更直言其老闆不懂體諒別人，「呢種人心地唔好呀！」而樓主父親則指，「東家唔打咪打西家囉，全香港又唔係得一間公司」。樓主又詢問父母，「你哋會唔會覺得唔關我事，係我自己睇唔過眼走去辭職好無聊？」母親則回答，「依家燒唔到你嗰疊啫，針唔桔到肉唔知痛，你阿爸講得啱呀，大吉利是第日到你要生仔同請病假呢？」樓主直言，「年尾流流辭職，我就係要呢啲諒解同安慰，估唔到男朋友唔明白，屋企兩個老人家反而仲明白。」

相關帖文隨即引起熱議，有人支持樓主的做法，並認為事件可以令樓主看清男友及老闆，又指「辭職順便睇清男朋友有無可能變老公」、「他日你有咩事要入院，你男朋友都可以講佢又唔係醫生，係醫院都幫唔到你」、「真係見過有種人都好恐怖，唔抵得人哋幸福、見人哋慘就佢安樂…如果無家庭負擔，辭職無可厚非呀」等。大部分人則建議樓主分手，「我就覺得，不如換埋個男朋友，分分鐘個男朋友同佢老細一樣都係咁衰」、「個老闆跟唔過，個男朋友都要唔過」、「建議飛埋個男朋友，價值觀唔同好難會改變到」、「可以連個男友都換埋」等。

有人則認為樓主太心急辭職，並指「如果係我，我會搵定工，但唔急於一時」、「個男朋友唔使要架喇，不過樓主都係衝動咗少少太快遞信了，起碼收埋DP/B仔先遞吖」、「老實，我都會唔撈，但會搵到工先」等。另外，有人則分享類似情況，並指「我有同事入醫院，我上司仲催佢交report」、「親身經歷，之前份工要掛牌，要我個人係現場工人先可以開工，半夜阿爺過身，要半夜趕番大陸，通知老細第二日搵人頂檔，佢一句：好死唔死依家死，當堂心都淡埋」等。

帖文來源：「辦公室日報」

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ