顧嘉煇逝世丨低調太太被黃霑追問求婚勁怕醜老公旁邊食花生經典畫面出土

2023-01-04 14:30

著名作曲家顧嘉煇昨日（3日）在加拿大離世，享年92歲。顧嘉煇在幕前光彩，但私生活一直保持低調，早年與圈外太太結婚後，兩人育有一對子女，晚年定居加拿大。2015年顧嘉煇在紅館舉行「顧嘉煇榮休盛典演唱會」，太太亦有現身睇騷，當時顧嘉煇完騷後，更在後台大力吻謝愛妻，感激她多年來在事業家庭全力相輔，可見夫妻感情甚好。

【點擊睇黃霑調侃顧太】：

2015年顧嘉煇在紅館舉行「顧嘉煇榮休盛典演唱會」，多位歌手參加演出。

一直低調的顧嘉輝太太當時亦有現身支持丈夫，顧嘉煇更吻謝愛妻。

顧嘉煇與太太育有一對子女，2005年子女曾陪他出席「CASH金帆音樂獎」。

顧嘉煇拍檔黃霑曾在節目上訪問顧太，當時黃霑更執意落台作近距離訪問。

黃霑稱呼顧太為「阿曾」。

無論黃霑問甚麼，顧太都怕醜說：「唔知。」

不過在旁的顧嘉煇笑得相當開心。

無論黃霑問甚麼，顧太都怕醜說：「唔知。」

黃霑笑說：「『無太』咁款，甚麼都不知道。」

之後黃霑轉攻顧嘉煇家姐顧媚，口花花大讚對方靚。

顧媚透露當日她學唱歌時，有菲律賓人義務教顧嘉煇，他好快上手，一年後就成為夜總會樂隊領班。

顧嘉煇與胞姊顧媚及弟弟感情要好，他展開音樂之路的機還亦是源自胞姊在夜總會當歌手。

顧嘉煇（右）與胞姊顧媚和胞弟顧嘉鏘同樣熱愛繪畫，三人2006年曾合辦「萬水千山總是情顧氏姊弟三人畫展」。

顧嘉煇與拍檔黃霑感情要好，過往黃霑曾在節目訪問顧嘉煇太太，稱呼對方做「阿曾」，當時顧太耍手擰頭，拍醜掩臉，但鬼馬的黃霑堅持訪問，不過顧嘉煇就在旁邊微笑「食花生」，黃霑問她：「愛顧嘉煇呢，最緊要係你，咁佢係唔係咁有節奏㗎啫？」顧太就尷尬說擰頭說：「唔知。」黃霑之後笑說：「顧嘉煇求婚嗰次問『咁你嫁唔嫁我』，阿曾話『唔知啊！』」

黃霑之後繼續問顧太：「有人話煇哥私下好鍾意扮靚。」顧太繼續擰頭說：「唔知啊。」逗得全場發笑。黃霑繼續說：「喂你朝夕相對，對咗啲咩出嚟呀？」不過顧太攤開雙手笑說：「唔知啊。」黃霑之後繼續追問：「咁呢樣你一定知，阿煇18歲追你，號稱22歲向你求婚，到底用乜方法呢？」不過顧太繼續說：「唔知。」黃霑隨即笑說：「『無太』咁款，甚麼都不知道。」而旁邊的顧嘉煇全程笑得勁開心。

隨後黃霑轉攻訪問顧嘉輝胞姊顧媚，顧媚笑說：「我就唔會樣樣唔知，不過你問我就有問必答，但你唔好當我香港小姐喎。」黃霑即口花說：「我點捨得窒你，咁多年都咁靚嘅人，點可以窒㗎啫？」黃霑問顧嘉煇如何跟她學音樂，顧媚指當時顧嘉煇並非跟他學：「當時我早啲出嚟唱歌，有個菲律賓人幫我練歌，佢嗰陣仲讀緊書，聽得多佢好鍾意，又好聰明，個菲律賓人自動義務咁教佢彈琴，佢又好快上手，一年後就喺夜總會做咗樂隊領班。」

【相關閱讀】：

顧嘉煇逝世丨葉麗儀感激恩師帶入行：唔係佢寫《上海灘》我唱唔到51年

顧嘉煇逝世丨馮素波學唱歌變學飲補血酒黃偉文佩服跳出框框民初劇播鄉村音樂

顧嘉煇逝世｜汪明荃激讚亡友才華横溢遺憾二人有一約定永遠不能兌現

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ

關鍵字