專欄｜烏甸尼斯 下盤恩物
2023-01-07 08:00 
世界盃後在新一年繼續同大家見面，一齊講下足球，暫定在每個周六和周日，和各位讀者一齊同足智彩鬥智鬥力。本來一向都對同場過關這個較新的彩池有興趣，但由於足智彩在這項目開盤較遲，未必配合到交稿時間，希望之後可以同大家一齊分享下，這個類似賽馬之中三四重彩的彩池。
今個周末英超暫停，足總盃開打，有得揀都避開盃賽。而意甲在周中重開，西甲和德甲稍後都會重燃戰火，其中意甲重開之後已踢了一輪，叫做有辦睇，今日就同大家講下意甲，重點講下七連勝的祖雲達斯迎戰對上八場聯賽不勝的烏甸尼斯。
愛隊祖記球場內外都面對重大危機，能夠企穩並以一波七連勝升上第三位，算是非常硬淨，相反季初一度有好好走勢的烏甸卻在對上八場不勝。馬會開盤祖記讓半一，不要以為好着數，實情係祖記紙上成績比表現好，反觀烏甸尼斯季初主打穩守突擊，令國際米蘭、羅馬等強手大敗，其後不勝，主要是面對弱隊唔識主攻，至今其實在聯賽只輸三場，球隊特性似足英超水晶宮，硬淨唔易輸，下盤愛好者恩物。今場祖記會較主動，食正烏甸強項，除了必取下盤，更可以敲他們首隊入球，即使唔好彩失波先，烏甸都有強橫後勁，即場再追都未遲。馬高
立即下載 | 全新《星島頭條》APP : https://bit.ly/3yLrgYZ
關鍵字
最新回應