通關︱疫下兩地家庭分隔 港人父親染疫亡 未趕及奔喪一生遺憾
2023-01-08 19:30 
本港與內地今日（1月8日）正式通關，疫情下兩地嚴格的檢疫限制，導致一些家庭長期分隔。有港人向《星島》表示，長期無法前往內地，導致很久無法與家人見面，有人錯過了女兒重要的成長階段；更有人父親在內突然染疫病逝，卻無法趕及回內地奔喪見至親最後一面，留下一生遺憾。
首日通關各口岸情況：
中港家庭分隔三年終有望團聚 退休爸爸：個女就嚟有我咁高
退休人士吳先生本身是港人，結婚後一度長居深圳，退休前每日來港上班，穿梭兩地。疫情後由於內地與香港往來不便，直接回香港居住，直至一、兩年前退休，但由於防疫限制，三年來一直沒能上深圳探望妻女。「我老婆同我講，咁樣分開法，有老公等於冇老公。」吳先生嘆道，疫下中港家庭如此長期分隔，難免影響家庭關係。他向記者展示一家三口的合照，相中的女兒只得8歲。
吳先生續指：「我個女今年12歲，對上一次親身見佢已經係3年前。」他表示與妻女分隔兩地，現時有透過微信視像對話，但終究不及親身見面來得好。「佢（女兒）成日同我老婆講好排住我，問爸爸幾時返嚟。女仔呢個年紀最易俾人呃，有個阿爸喺身邊輔導一下，好好多，用電話講，始終都係有種隔膜。」
十歲前後，是孩子關鍵的成長階段，偏偏疫下分隔三年，吳先生錯過了與女兒相聚的重要時間。「上一次見佢，佢仲係得咁高（比手勢，約莫1.3米的高度）。我老婆話，佢𠵱家已經一米五幾，就快有我咁高。」
小孩子大得快，被問到和女兒分隔三年，再次相見會否認不出對方，吳先生苦笑指：「咁又唔至於，但可能見返佢會覺得有啲唔習慣，樣係差唔多，但始終太耐無見。」他表示，已經預約好配額，回內地過農曆新年，暫住一段時間與妻女相聚：「阿女鍾意食朱古力，終於可以為佢準備佢鍾意食嘅嘢。」
父親新冠離世未能趕及奔喪 港男：最需要我時我去唔到
黃先生住在廣州的父親，上月23日因為感染新冠病毒離世，他指雖然父親已87歲，但過往沒什麼長期病患，大家都感到事出突然。他其後嘗試回內地為父親辦後事，但不得要領，無論如何都要隔離，而內地現時對感染新冠的死者處理仍然嚴格，需要盡快火化，所以只好交由在內地的弟妹處理後事，自己就此錯過見父親最後一面的機會，坦言十分遺憾。
被問到通關後有沒有打算盡快回內地，黃先生嘆道：「算啦，件事都過咗，（家人）最需要我嘅時候我都去唔到，𠵱家返去都無意思，嚟緊又過年，費事搞到大家（在內地的家人）心情唔好。」他打算至少農曆新年過後，甚或清明節前夕再回內地拜祭亡父。
記者：林劍
《星島頭條》APP經已推出最新版本，請立即更新，瀏覽更精彩內容：
https://bit.ly/3yLrgYZ
最新回應