193最想幫肥仔執造型望落高啲曾跟Janice Man戴超高貨車帽睇返好娘

2023-01-11 08:00

熱愛時裝的193(郭嘉駿)獲公司度身訂造時裝真人騷《Fashion Killer》，193驚歎節目的參賽者有不少「臥虎藏龍」，當中有一位曾經是梅艷芳的造型師，令他拍完節目後有很深反思，發現自己對時裝的認識很表面。

文：霍淇攝：鄧國良
化裝: Cori Wong @Annie G. Chan Makeup Centre (郭嘉駿)
髮型: Harris Lai @ CHIC Private I salon (郭嘉駿)
服裝: Footloose Tycoon， Salomon(郭嘉駿)、hellessy ，harveynicholshk ， giuseppezanotti(李炘頤)

真人騷共有15集，193與拍檔李炘頤除了擔任主持外，亦有份揀選入圍的參賽者，而參賽者就會為星級嘉賓設計形象。今次請來的星級嘉賓陣容超勁，又爆有嘉賓因「揀衫揀到喊」，不過Alina指最難忘是因中招停工而跟偶像緣慳一面：「一直好期待，點知拍前兩、三日中咗，超Sad！」

193與李炘頤齊主持真人騷《Fashion Killer》。

193大爆有嘉賓「揀衫揀到喊」。

真人騷共有15集。

Alina最難忘是因中招停工而跟偶像緣慳一面。

193乘機向前輩偷師。

193透露今次參賽者有很多不同類型的人，其中一位前輩級的參賽者Peter仔，以前曾幫梅姐襯衫，故也乘機向對方偷師：「我淨係識睇咩係靚，但佢係另一層面，佢真係講經咁講番好多時裝歷史，有啲資料google都未必搵到，所以都唔係好敢批評，有一集題目講2000年代，兩位前輩同其他參賽者睇嘅嘢好唔同，都令我反思好多。」

望幫參賽者入行
問到193覺得圈中誰人著衫最好睇，他認為是黃偉文（Wyman），又自爆早前向Wyman示愛，告訴對方因他而愛上一個服裝品牌，而該品牌稍後將會結束，故193早前拍攝《越州公路193》MV時，特意穿上該品牌的服裝來拍攝。而鄭裕玲在MV中戴的帽，也是出自參賽者寶珠的作品，笑指他借節目「自肥」，193坦承，不過同時亦希望幫參賽者入行，亦期望節目可為時裝界帶出新氣象。

193最欣賞WYMAN著衫風格。

193笑言在圈中最想幫肥仔執造型，很想借衫去幫佢拉長身高：「要佢著闊褲遮鞋，然後再加好多鞋墊，以後ERROR就一樣咁高，至於阿Dee同保錡身形正常唔難搞。」雖然現時已成為潮流達人，但193坦言以前也發生過不少時裝車禍：「Janice Man年代，戴貨車帽戴得好高，又試過戴白色膠框同木製眼鏡，仲有條爛牛仔褲，好似冇錢買褲咁，而家睇番好娘，但以前真係超潮。」