質疑同事為避派利是新年放長假 打工仔反被批似乞兒｜Juicy叮

農曆新年將至，不少人亦已換新鈔準備派利是。有打工仔則在網上發文，提到留意到有已婚同事在新年期間請假兩周，並會在正月十五後才上班，質疑對方為了避過派利是而請假。

該名打工仔日前在香港討論區以「同事新年攞咁長假期係唔係為咗唔派利是？」為題發文，提到按照傳統，派利是的時間為正月初一至十五，但指最近留意到有同事在新年期間請假兩星期，「啱啱好過咗年十五先至會見到佢」。樓主又提到，該名同事已經結婚，「仲諗住今年新年同佢逗利是，點知佢會請咗個長假」。

樓主感受及網民回應請點擊組圖瀏覽：

按照傳統，派利是的時間為正月初一至十五。資料圖片

樓主指，質疑已婚同事為了避過派利是而在新年期間請假。《愛回家之開心速遞》劇照

樓主指，「仲諗住今年新年同佢逗利是，點知佢會請咗個長假」。《愛回家之開心速遞》劇照

有人認為「正路喎，好多人都係咁避開派利是」等。網頁截圖

部分人則批評樓主的行為。網頁截圖

有人則指，「過年放長假好正常。係有心派，過左十五都會派」。網頁截圖

有人認為是否派利是亦是個人選擇。網頁截圖

樓主隨後詢問該名同事的請假原因，「佢就話放咁長個假就係要返鄉下，已經好耐冇返上去，難得通關，所以就去耐啲」，有其他同事在聞言後即回答「吓，你新年放假咁我仲拎唔拎到你封利是？」對方則指，「利是都係派到年十五」，並指若在年十五前遇到同事便會派利是。樓主則指，「佢咁講係唔係啫係打算唔派利是？咁到時佢年十六先返嚟我仲同唔同佢逗利是好！」樓主隨後又補充指，「話晒都一場同事，咁都唔派利是」。

相關新聞：

Juicy叮｜潮媽擬派電子利是 港女：有嘢拎喺手似開心啲：https://bit.ly/3w0pUJz
Juicy叮｜睇手機即起疑心 港媽疑友人一原因謊稱離婚：https://bit.ly/3ZzYrvN
 

該則帖文隨即引起網民討論，有人認為「正路喎，好多人都係咁避開派利是」、「人地新年攞假關你咩事，有好多公司只會畀員工係新年時間攞大假」、「公司幾多人先，得幾個都慳就樣衰啲。如果幾十個，好多人都想避開都正常」、「過年放長假好正常。係有心派，過左十五都會派」等。有人則指即使已婚，是否派利是亦是個人選擇，並指「唔放假都可以唔派利是，派唔派本來就係個人選擇」、「派唔派係人哋話事，唔係你覺得佢應該派，佢就一定要派」等。

另有部分人則批評樓主的行為，並指「唔派咪唔派囉，追住人問搞到自己好似乞兒」、「點解對那一封利是充滿期望」、「一封利是有幾多呀」、「同你好熟呀？老奉派畀你既咩！？正乞兒！」、「有的人好厚面皮」、「逗少封利是無錢開飯?」、「貪呢啲」、「派就收，唔派就算，又唔係爭你錢，唔好老奉咁，何必咁計較，大家都係打工。老細另計」、「你真係窮到一個點，睇你都係成日算住攞人著數嗰類人」等。

帖文來源：香港討論區

 

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ