蘇施黃迎68歲前完成最後一次化療 難忘曾屙嘔11日唔見10磅嚇壞金燕玲

蘇施黃（阿蘇）下星期慶祝68歲生日，昨日（5日）她在其社交頻道與好友慶祝，不過並非提早過生日，而是宣布她完成最後一次化療治療後，在家中由朋友見證下最後一次口服化療藥。阿蘇以「大慶祝！大家百毒不侵！」，為自己再一次抗癌成功，留下記錄。她邀請幾位朋友到屋企打麻雀及食飯，眾人見她食完最後一次藥，即鼓掌送上祝福。阿蘇感激之餘，又搞笑說：「仍然有人問我乜仲未死？係呀！真係未死，耶穌真係好大鑊呀，你要做足夠好事，耶穌先會接你返天家。我覺得自己未做夠好事，所以未返到去住，仲要捱下先！」

【點擊睇蘇施黃分享抗癌近況】：

仲有幾日就68歲生日的蘇施黃，去年發現患大腸癌第三期，她早前在IG上載新片分享抗癌經過。

蘇施黃在片中自爆在口服化療第二周尾段，她與密友金燕玲不幸確診新冠肺炎。

她笑說：「我都未出過街，肯定係賴金小姐啦。」

蘇施黃面對化療後出現不適反應，仍樂觀面對。

蘇施黃仲有活力同教練打波！

36秒打足36板！ ​

蘇施黃與金燕玲早前不幸確診新冠肺炎。

金燕玲近年兩度患癌，蘇施黃都陪伴在側，最後成功戰勝癌魔。

金燕玲曾拍片交代病況。

蘇施黃當年拍《蘇GOOD》時，原來患有類風濕性關節炎，舉步為艱。

蘇施黃日前最後一次去醫院。

蘇施黃空肚接受第四次化療後，即歎個麵，不過她指雲吞太大粒，叉燒又冇味。

蘇施黃一臉嫌棄。

蘇施黃透露整個化療過程的經過。

蘇施黃表示自己做完第三次化療後皮膚好乾，一除衫好似粉飛咁。

蘇施黃展示手指都見裂痕。

要咁樣搽Cream。

蘇施黃表示經化療所打的消炎針，竟然連雙腳的問題都醫好。

蘇施黃樂觀面對患癌。

蘇施黃邀請朋友到屋企，見證她完成整個療程。

蘇施黃（中）好期待好開心。

蘇施黃展示所餘下的藥物份量。

蘇施黃準備食最後一次藥。

蘇施黃逐粒藥介紹。

蘇施黃已經準備好。

蘇施黃食完最後一次口服化療藥。

 

去年在社交網上自爆患大腸癌三期的阿蘇，積極面對病情，又接受手術治療，再花約五個月時間做四次化療。阿蘇不時在網上分享治療時的心路歷程，鼓勵同路人。日前她到醫院完成第四次、即最後一次的化療後，再服十四日的化療口服藥，便完成整個療程。她完成第四次化療後分享感受：「第一次OK冇乜嘢，但第二次就最慘，入醫院住咗七日，屙嘔咗11日，入院前134磅，出院124磅，金小姐（金燕玲）都驚。」幸好出院後體重已回升，現有132磅。

阿蘇經歷完第二次化療嚴重反應後，接受第三次療程時，就暫停服口服藥，不過仍有食止嘔藥，卻出現另一副作用：「做完第三次化療後皮膚好乾，醫生話有機會皮膚敏感，我本身都係皮膚敏感嘅人，嘩！一除衫好似粉飛咁，皮膚差到不得了，起粒粒有少少痕。」她形容外觀似格仔般，皮膚非常乾燥，更嘆了一口氣，發洩一下感受。

由於身邊有朋友八度患癌，最終離世，阿蘇坦言從對方身上學懂樂觀面對。因此完成化療後，她再度入廚，重回正軌：「我入院之前，我有個朋友都有腸癌，就主動話同我傾電話啦，佢一樣係大腸癌，個醫生要好呀，佢屙咗兩個月，成個人瘦咗一個碼。」她表示做完化療後返家做按摩，被指雙腿變細，原來條腸打消炎針，連帶雙腿的問題都解決，阿蘇笑言：「焉知非福」，她又認為有了心理準備就不會太咁驚：「會睇得開啲，原來人人都係咁嘅，大家睇連阿蘇佢活生生未死喎，食得瞓食，咁就冇咁驚。」

【其他文章】：

薛芷倫著喱士超Deep V睡衣跪地俯身甫士惹瑕想 上圍超有睇頭果然係Ball后

薛凱琪一舉動被嘲扮天生麗質 近照疑P圖過度削臉又長又尖

苟芸慧元宵節發文疑揭真實感情狀況 與老公陸漢洋關係跟傳聞不符？

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ