車Cam直擊│開斗貨車飛出木板 私家車被擊爆燈罩
2023-02-18 11:28 
汽車飛出雜物隨時變奪命凶器！網上流出一條短片，一輛開斗貨車擺滿雜物，途中一塊約一米乘一米的白色木板飛脫，飛越兩條線，擊中一輛奧迪私家車，幸沒造成傷亡，惟私家車車頭刮花及燈罩爆裂，由於影不到飛板貨車車牌，司機追索無門，昨把片段上網，希望其他司機幫手尋肇事車輛。
▼▼▼開斗貨車飛板過程▼▼▼
片段全長僅5秒，沒有寫明事發地點，但依據車Cam紀錄，事發於昨（17日）凌晨2時43分，當時路面共四線，奧迪行駛最慢線，貨車則在右二線，斗上一塊白色木板飛出，隨風凌空翻滾，飛落慢線，砰一聲擊中奧迪車頭，司機禁不住爆句粗口。
其後，司機把愛車「傷勢」放上網，只見車頭泵把刮花，車頭燈罩爆裂，「除左黑仔唔知講咩好……，之前中過兩三次發泡膠都算啦…..，今次飛塊大木板出黎（嚟）人無事都唔知係咪要笑」。
據了解，司機事後曾報警，但因影不到車牌而無果，他自嘆自己「黑仔」，也自責自己反應慢：「因為尋日係公司有好多嘢做 ，去到兩點幾先走，個人都開始好攰 ，反應都慢咗 ，發生嘅時候腦海都一片空白 。自己又唔醒水走去追泥頭車司機，又唔再早啲收掣，太黑太遠影唔到泥頭車」。
網民對司機極表同情：「慘慘， 睇見都心痛」、「一定追啦，cut單白都要追，好彩就c+車，唔好彩電單車隨時死人」、「我寧願Cut單白跌分罸錢都追佢賠錢呀 但首先隔離線冇車」。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應