廿歲港女為飲衫煩惱網民經驗之談：唔使穿晚裝最好著呢樣......｜Juicy叮

2023-03-01 07:00

有初出茅廬的港女為飲衫而心煩，日前上網發帖「認真問！去飲點著先叫得體？」，並直言「覺得諗去飲著咩衫仲煩過做幾多錢人情」，還透露朋友打算大陣仗地租晚裝裙出席。回應的網民都細心指導，強調不用穿晚裝，但提醒「裙顏色唔好白同黑」，其餘斯斯文文，著一條普通的裙就可以，正常、齊整即可。

樓主在帖文中指「一去到廿幾歲突然間多咗勁多人結婚，以前跟屋企人去飲加上仲細，著t-shirt牛仔褲唔會有人話，而家要自己去飲搞到都唔知著咩衫好。同班朋友討論著咩衫，佢哋話打算租條晚裝裙，又唔係做姊妹又唔係自己結婚，真係要去到著晚裝裙咁誇張咩？會唔會搶咗新娘風頭？應該要點著先叫得體啲？普通斯斯文文唔著拖鞋係咪都夠？我覺得諗去飲著咩衫仲煩過做幾多錢人情！」。

網民就飲衫作回應：

有初出茅廬的港女為飲衫而心煩，日前上網發帖「認真問！去飲點著先叫得體？」。

樓主「覺得諗去飲著咩衫仲煩過做幾多錢人情」。

樓主透露朋友打算大陣仗地租晚裝裙去飲。

樓主發帖「認真問！去飲點著先叫得體？」。

網民回應指，「靚靚地嘅裙斯斯文文去就可以的了」。網上截圖

網民建議可以著one piece 短裙。網上截圖

回應的網民以長輩姿態分享心得：

●「普通衣著就得了......」
●「裙顏色唔好白同黑」
●「正常、齊整就ok啦」
●「你係女仔 ? 著條裙就得啦」
●「正正常常、齊齊整整就得喇」
●「普通一條連身裙加高踭鞋已得」
●「靚靚地嘅裙斯斯文文去就可以的了」
●「著一條普通的裙就可以，唔洗太靚」
●「女士嚟講只要唔係假日去街3寶，即tee、牛記同波鞋就得」

●「自己喜歡及著得舒服就得啦，唔通人地點睇你著乜真係咁重要咩」

另有網民搞笑地提醒，「男人著裙出席真係會嚇親主家」，「最基本咪係有衣領的衣服+西褲款，但不一定要著皮鞋」。

對於樓主提到朋友打算租晚裝裙去飲，網民均力勸別衝動，指「唔使晚裝，只要唔係牛記，tee就可以，簡簡單單one piece（連身裙）咪得」、「唔係主人家又唔係姊妹，就算去酒店飲都唔洗著晚裝。可以著one piece 短裙」、「話租晚裝果個有心整蠱你，唔好信佢仲要遠離佢，心懷不軌！」。

另有網民提醒，「如果係普通朋友，穿著普通得體就可以」，但「千祈咪著牛記加波鞋呢d，尤其去酒店飲」、「要睇主人家身分同自己身分，酒店擺咪著好d，如果屋村酒樓擺，當然可以著t-shirt牛仔褲」，並指「其實唔係主人家根本無人在意你著乜（人地請你，唔好以為自己好重要先得㗎）」。

帖文來源：香港討論區