港女呻「阿媽要同男友阿爸結婚」 網民：有情人終成兄妹？｜Juicy叮
2023-03-05 14:00 
一名港女在「香港討論區」以「阿媽話要同男朋友阿爸結婚」為題發帖，講述錯綜複雜、情節離奇的未來親上加親「親戚」關係。
早於兩年前已和男朋友見過雙方家長的樓主透露，當年見家長後，「已經發現男朋友阿爸同我阿媽好似有啲嘢，成日都會聯絡，又會約出嚟，雖然佢地都係單身，就算一齊都冇咩嘢。但係我同男朋友都一齊緊......」
樓主續指，「早幾日，我同男朋友同佢哋食飯，佢哋同我哋講，佢哋打算結婚！！佢地結婚嘅話，我同男朋友係唔係從此要兄妹相稱？同埋佢哋都五六十歲啦，仲結咩婚！雖然阿媽有幸福係好事，但佢哋咁樣我同男朋友仲可唔可以繼續一齊？」
樓主接著稱「佢哋話佢地都好開明，唔會介意呢啲，就算以後佢哋結咗婚，我哋都可以照結婚。但係將來嘅嘢冇人知，結婚就好，如果之後同男朋友分咗手，咁Ex咪係我阿哥？」大呻「好複雜嘅關係呀！！」，但不忘補充「見到阿媽開心我都開心」。
樓主大呻及網民回應：
網友都金睛火眼細讀內容，感嘆是「奇聞」，「劇情好離奇，可以賣橋拍齣戲，肯定會大收！然後一家四口接受訪問，成爲網紅，拍廣告，搵真銀！」、「佩服樓主的奇幻經歷，人生贏家！！」，指情況是「親上加親」、「有情人終成兄妹？」，如「粵語長片」及「韓劇劇情」。
網民理解樓主百感交集的心情，紛鼓勵正面、樂觀面對：
●「咪好囉，閉門一家親。」
●「無問題呀，緣來沒法擋。」
●「無血緣關係，閉門一家親無問題。」
●「最緊要佢哋兩個覺得開心，咁屋企就會和諧。」
●「冇血緣嘅兄妹可以嘅，最緊要你哋父母雙方鍾意。」
●「佢哋開心咪得囉，佢哋都拋得開世俗嘅枷鎖，返而後生嘅睇唔開。」
●「關係變復雜咗⋯⋯其實都係麻煩，不過你阿媽有人錫，都係好事，平常心去面對。」
●「你媽子，你既可以叫阿媽又可以叫奶奶，你男朋友老豆，你既可以叫阿爸又可以叫老爺。」
●「你生長40~50年代咩？你有你結婚，佢哋長輩雙方都冇另一半，結婚有乜所謂？佢哋開心唔好咩？」
●「唔好理咁多，佢有佢哋結婚，你有你結婚，兩對夫妻冇血緣關係，一啲問題都冇，唔使理世俗眼光。」
●「唔好擔心咁多，佢哋有佢哋結，你哋有你哋拍拖，就算日後結婚又如何，分手又如何呢？世界變得好快，勇敢D，唔好咁迂腐。」
●「將心比己，搵到另一半真係唔易，你應祝福佢哋，何必擔心啲世俗眼光。如你第日結婚，叫佢亞爸做老爺，你老公叫你媽做外母咪得囉。」
●「呢個關係未算複雜喎，有D case，係男朋友個阿爸同女朋友結婚，男朋友去搵女朋友阿媽結婚，即係個Ex男朋友要叫Ex女朋友做阿媽，但Ex女朋友同時叫Ex男朋友做阿爸。」
有網民則教路，「不如你同你男朋友結咗婚先，睇下佢哋仲結唔結」、「幾多歲仍有追求幸福的權利，他們放下可能面對的壓力和眼光，值得佩服和祝福，如果妳介意，可以考慮妳和男友先登記結婚，之後再請媽咪他們登記就好，相信全世界沒有多少人會介意，主要來自妳的執著」、「關係錯綜複雜，叫佢哋同居咪算」；另有網友笑言「佢老豆都幾醒，攪掂咗你老母，第時佢個仔娶你畀的禮金又自己收番」。
帖文來源：香港討論區
相關新聞：
人妻呻老公成日返大陸過夜 網民獻計圖一招封喉
通關後有人歡喜有人愁。有家庭主婦近日在facebook討論區大呻，指「老公最近成日返大陸過夜」，擔心「上面唔知係唔係有第二個」。回應的網民熱心地抽絲剝繭幫忙分析，大部分人均認為舉動有可疑，甚至斷定情況不樂觀。有網友獻計「話一齊去」、「查佢銀行，尤其消費方式」，這招獲樓主肯定，指「查銀行呢個方法好似唔錯」。
同場加映：
港女公眾場所「露體吸客」谷鹹片 違法網售多P淫片 疑集團式操控
本港社交平台湧現有港女在公眾場所「露體」的相片，引來網民熱烈關注，《星島頭條網》記者追查發現，「露體」淫照最少涉及五名港女的社交帳戶，帳戶均連結售賣多P雜交等大尺度淫片，懷疑有人違法借「露體」出位宣傳淫片招徠顧客，有資深警官估計事件可能涉及集團式操控。
兩女連鎖快餐店露乳 情侶自拍淫片銷售
今日(9日)社交平台熱傳一張兩名港女在一連鎖快餐店裸露胸部的相片，相同模式的公眾場所裸露相片及影片，近半年在社交平台不斷出現，並迅即成為網上熱話。
該些港女的社交帳戶均連結會員收費平台，甚至有自稱情侶自拍淫片銷售，收費採會員制方式，價格由每月數十元港幣，至數百元港幣不等，淫片寄存的平台伺服器相信位處英美等海外國家。
踢爆港女公眾場所「露體潮」 疑吸客谷鹹片↓↓↓↓
最新回應