鄭秀文着大露背拖地長裙巴黎拍MV 羽絨加暖水袋仍凍到騰騰震

鄭秀文（Sammi）2023年第一首派台作品《愛是...2.0（feat.好青年荼毒室）》推出後，反應熱烈。MV遠赴法國取景，Sammi以不同華麗造型穿梭巴黎，其中在一間超過200年歷史的古老建築物拍攝，精緻的天花設計和紅色的布置，充滿濃烈懷舊氣氛，Sammi開心得在舞池中不停氹氹轉，  她說：「今次可以在法國巴黎拍MV，好似發緊夢，無諗過可以完成呢件事，《愛是...2.0》係我好鍾意好鍾意嘅新歌，亦係今年第一首派台歌，成首歌嘅風格都『好有型』，希望大家鍾意。」

在一間超過200年歷史的古老建築物拍攝。

Sammi開心得在舞池中不停氹氹轉。

Sammi天未光就起身拍攝，第一站是電影《潛行凶間》內都出現過的比爾阿克姆橋（Pont de Bir-Hakeim），在橋上可以見到巴黎鐵塔，是打卡熱點。Sammi 穿着露大背藍色長裙，背部設計盡顯綫條，配合長長拖尾，非常華麗有型。由於當日氣溫得2度，鏡頭前凍到鼻哥都紅晒，鏡頭外Sammi就算穿着厚厚的羽絨大褸和抱着暖水袋，仍凍到牙關打震，不過仍難掩興奮的心情。抱住暖水袋的她說：「今日嚟到大家好熟悉嘅旅遊景點，好多戲都喺呢度拍，例如《INCEPTION》，仲見到巴黎鐵塔！雖然大家見到我着到好靚，但其實我凍到不得了，巴黎嘅早上好凍，黐咗一身暖包。今日要走好多場地，要換好多靚衫拍MV，團隊繼續努力！」 然後Sammi繼續行程，到古着店、火車站、餐廳和街頭拍攝，配合不同造型，完全是一個時尚旅遊特輯。

超靚露背裙

拍攝時凍到黐線

暖水袋侍候

二手店取景

去埋火車站

 

《星島頭條》新網站有更多精彩內容：http://www.stheadline.com/