人妻想搬開唔同老爺奶奶住又怕兩老嬲 網民有計仔...... ｜Juicy叮
2023-03-20 07:02 
相見好同住難，做人新抱也甚艱難。有人妻不滿同住的老爺奶奶衛生習慣想搬開住，卻又得顧及兩老感受和家庭和諧，於是在facebook討論區發帖問「有咩藉口唔同老爺奶奶住，而佢哋唔會嬲」。網友的回應大概分兩類，一是諗計仔搬開，一是無奈接受共存。
樓主講述自身苦況時指「我哋一家四口同埋老爺奶奶住，其實佢兩位老人家人品唔太差，起碼都錫孫，又唔會成日講啲刻薄說話。但有一樣嘢就快到我臨界點！佢哋啲衛生意識好低，以前一向唔理，但自從一齊住就有好多嘢要睇唔過眼！
樓主想一家搬開住及網民回應：
好似佢哋老人家對眼唔係幾好，食飯食到周地係！明明對拖鞋喺屋企著，就成日著埋出走廊掉垃圾，行出𨋢口之類，然後又踩返入屋！我要返工，日日收工返到嚟就覺得個地好污糟，已經好攰仲要抹地！
之前疫情屋企大把口罩，又點都唔肯日日換，返到嚟就咁求其掛住，我日日就喺屋企清潔抹地，而家口罩令已無埋，佢哋唔知死出街口罩都唔戴，惹到通屋都係菌搞到我個仔，我真係會崩潰！」。
樓主接著補充，「又唔係趕咁難聽嘅」、「我梗係知道，不過冇咗我哋，又驚佢兩個會好論盡，始終已經70幾，仲有每次同老公呻都唔會有咩答案，只係話既然住埋一齊張就下！我原生家庭嘅衛生好好，再係咁忍落去我真係擔心有日會爆佢哋一鑊」、「忍咗好耐，唔呻真係會痴線」。
有網民於是獻計，如何能和平地搬開：
•買間屋畀佢地住；
•最多你有錢咪搬出去住；
•咁自己要有能力搬先得㗎喎；
•無兩全其美，說想過二人世界；
•話你哋想小朋友有多啲空間搬出去；
•買層樓俾佢哋住，外加工人、看護；
•想有自己空間，佢地基本上會明白的；
•你話肺癆仲未搞掂依家醫生又話你好似麻瘋𠻹喎。
不過，始終搬屋不同食生菜，有網友坦言「其實都幾難開口」、「樓主你呻完就算——＜完＞」、「有能力就緊係分開住；不然都要調節下自己心態，共存......」。
有人問「點樣唔同（一齊住）法......？自己一家四口搬走......話唔阻住佢地隨意嘅生活，相信佢地會理解的......叫佢兩個老人家搬走......想佢地唔嬲，好難囉......」。
另有人提醒「永遠同老爺奶奶住就係有問題㗎喇～唔係婆媳關係就係濕濕碎碎嘅嘢～有能力咪搬走～但你要諗個理由，千祈唔好講真話，始終老人家都要有返份尊嚴係度」。
還有人批評樓主的衛生論，指「其實如果你要返工，兩老唔使返工的話，你自己才是最大細菌源頭，反而兩老唔係」。
帖文來源：香港討論區
相關新聞：
呻與夫平淡如水 人妻發帖圍爐竟突然自爆曾有外遇......
同場加映：
為拍婚照故意撳停纜車 婚攝公司缺德行為竟獲網民力撐 原因係......
為捕捉完美婚照可以去得幾盡？有網民分享一段山頂纜車的CCTV影片，有纜車被多次在中途站被撳停，卻無人下車，原因疑似是有婚紗攝影公司為拍婚照而撳停纜車擺拍，事件曝光後，出乎意料地網民竟反撐婚攝公司。
山頂白加道纜車站緍照勝地
山頂白加道纜車站是拍攝緍照的勝地，被喻為山頂秘景之一，這裡人流不多，卻是欣賞纜車的最佳地方，有不少婚攝公司會安排新人在此以纜車作背景拍攝婚照。
【纜車被故意撳停只為拍婚照｜全程逐格睇（附字幕）↓↓↓↓】
事件在網上曝光後，大多數留言網民的態度竟力撐婚攝公司，認為纜車職員應該容忍一下方便新人拍婚照，「唔係故意，而係有需要為拍攝而按鐘。有人上落車，或有人影相，兩者同樣，都係一種需要。」「原來纜車預設係會飛站？需要按鐘才會停？」
「這條線今時今日係觀光/娛樂用..唔係趕返工返學用...所以只要無違反公司指引，例如車廂內影商業相要預先申請...又或 故意阻開車...基本上乘客都應該無所謂，甚至可以坐耐D仲好 ...公司亦唔應該會有不滿...相出了街...都係一個宣傳。」
不過亦有網民批評婚攝公司行為缺德：「包起成條纜車線全日咪可以任影囉。」「咁樣不斷被人撳停，可能阻到下一班纜車開出。」「咁樣會影響其他候車同搭車乘客，非常無公德心。」
影片來源：香港新聞突發時事合集 Hong Kong Breaking News
----
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應