63歲雷安娜返港撐好友逆齡外貌有驚喜 為愛情向公司「先斬後奏」冇後悔
2023-03-22 13:00 
林敏驄日前在西九文化區舉行入行40年的演唱會，今次林敏驄邀請了不少嘉賓，除了近年合作過的《下流上車族》車氏一家外，還有一些80、90年代的歌手，雷安娜的《彩雲曲》由林敏怡和林敏驄兩姊弟包辦曲詞，所以亦專程返港撐好友，為演唱會製造驚喜。即將64歲的雷安娜，保養得宜，皮膚依然緊緻零皺紋，樣子與當年分別不大！
【點擊睇雷安娜最新近況】：
雷安娜入行前從事銀行金融行業，因為她熱愛唱歌而多次參加歌唱比賽，其後得到寶麗金高層陳迪文睇中成為歌手，成名作是與關正傑合唱的《人在旅途灑淚時》，接着又憑《舊夢不須記》一曲而唱到街知巷聞，唱片銷量超過10萬張，她曾說：「我當時真係冇諗過會咁hit，呢首歌令到更加多人識我，除咗名利，我覺得一個歌手最緊要係有一首歌令大家記得，而我做到呢件事，我係覺得好幸運。」
不過出道3年後，雷安娜在事業的高峰期突然宣佈結婚兼退出娛樂圈，移民到加拿大專心做少奶奶，她曾經在訪問上表示當年是「先斬後奏」，結完婚再跟唱片公司交代，從未有感到後悔：「因為我喺香港所得到嘅都真係好多，而且作為一個普通女仔，都會有呢個諗法。我仲覺得人生有得有失，你失去咗，唔代表搵唔番，你得到又唔代表聽日仲有，我好重視家庭生活，由細到大，可能因為爸爸做生意聚少離多，好想有個男人喺家入面做一家之主，同我分擔。而且結婚咁耐時間，我好開心，冇後悔過。」
當年移民加拿大後，雷安娜先後做過時裝和旅行社的生意，近年老公婆決定放棄旅行社的生意，好享受人生，經常周圍去旅行，亦不時返港參與演出的工作，在無憂無慮下生活，雷安娜無論皮膚還是身材，自己保養得非常之好，但原來她本身亦有一套養生之道：「養成良好習慣好重要，而且要長期去做。平時我好定時食三餐，多飲水補充皮膚水份，早睡早起，喺屋企會舉啞鈴或者去健身室踩單車，同埋喺網上學做帶氧運動。至於飲食方面，我食素食咗好多年喇，多食豆類，唔食白飯，改食糙米飯，而食物盡量少油，就可以減低關節痛。」
【其他文章】：
梁朝偉劉嘉玲拍拖遊Art Basel變藝術品被圍觀 甘比湊女再會村上隆High爆自拍
曾華倩被傳暴瘦33磅秘密入院？月初晒近照未見異樣 網民瘋狂留言問候
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應