野蠻婆婆大鬧將軍澳 喪罵路人2分鐘 霸氣撻朵：你知我咩嘢人嚟呀？｜Juicy叮
2023-03-24 12:34 
網絡熱傳一段野蠻婆婆大鬧將軍澳的影片，婆婆懷疑排隊時發生爭執，激動喪罵路人長達2分鐘，期間大放霸氣厥辭：「我最憎呢到啲人，一啲文化都無！」更囂張撻朵：「唔好立亂得罪人，你知我咩嘢人嚟呀？」令人側目。
事發在本周三(22日)上午7時左右，地點在將軍澳寶琳。
直擊野蠻婆婆大鬧將軍澳 喪罵路人霸氣撻朵（足本字幕版）↓↓↓↓
（影片全長約2分鐘）
（事發時間在本周三（3月22日）早上7時左右）
（影片開頭看到一名紫衫婆婆指手劃腳大聲狂罵）
（紫衫婆婆疑似因為排隊爭執，與另一名婆婆發生衝突，不斷指罵她）
（拍攝者鏡頭不時向下，影向地面，似為偷錄時為避免被人發覺所致）
你好開心呀？
信唔信我報警拉你呀啦。
（被罵路人回應：好呀，好呀，報警拉你呀啦。）
咁陰毒嘅你！
（被罵路人回應：係呀，係呀，好陰毒。）
人哋死你好開心呀，你哋食屎啦！
你叫心地好呀，吓！
幾廿歲返屋企積吓福啦，好唔好呀。
咪咁多事呀，真係㗎。
你又唔知我咩嘢人，我做善事多過你啦，啱唔啱呀。
唔好咁X多事呀，依家呢個時勢唔係幾好，係真嘅，
唔好立亂得罪人，你唔知我咩嘢人嚟呀？
我做善事多過你食飯啦。
你有無可鄰啲乞衣呀？
你估你自己係咩呀？
你自己都係大陸(內地)嚟㗎啫，見你前面憎你後面呀。
趕你走呀，見你幾廿歲。
你咁樣嘅你，最憎你呢個阿婆呀。
你咁樣做人嘅你，唔怕折墮呀？
你個死人樣呀，咁樣害人。
我最憎呢到啲人㗎啦，一啲文化都無！
我趕時間，唔會無端端鬧你㗎吓！
係到哎呀哎呀喎，X你X母（粗口），咁X樣你呀。
係呀，我條氣唔順，我阿媽已經死X咗幾年，就憎啲大陸(內地)人。
我老豆就搵個大陸(內地)女人，一年佢阿爸阿媽都死埋......嗰陣時供一千蚊......畀個死人大陸(內地)X......
（影片未有交代事件結局）
網民紛紛批評罵人婆婆橫蠻無禮，「失禮嘅係自己！」「依家咁樣鬧邊個先無文化？」「生活壓力好大。」
同場加映：巴士阿叔鬧喊少女阻落車 坐隔離賴死唔郁 網民指一句話露色心
本港社交平台熱傳一段阿叔大鬧城巴的影片，有大叔坐正少女隔離，少女欲下車竟堅拒不「放行」，引來司機干預，但大叔竟發狂鬧喊少女，網民點出大叔罵語中有一句話已顯露其色心。
直擊巴士阿叔大鬧城巴 一句說話露色心？（足本字幕版）↓↓↓↓
本港社交平台熱傳一段阿叔大鬧城巴的影片，有大叔坐正少女隔離，少女欲下車竟堅拒不「放行」，引來司機干預，但大叔竟發狂鬧喊少女，網民點出大叔罵語中有一句話已顯露其色心。
（事件發生在天水圍，時間在本周三（15日）晚上。）
（涉事巴士為城巴967X，來往天水圍（天恩邨）及銅鑼灣。）
（有乘客拍攝到事發情況，片長約45秒。）
（事發在巴士上層。）
（有網民表示，當日司機接獲其他乘客求助，到上層協助。）
（影片看到現場有不少「吉位」，但有網民懷疑其他乘客因事件發生已經「落晒車」。）
（影片中鴨舌帽大叔坐在一名長髮少女隔離，巴士司機則站在兩人前面）
巴士司機：大家都係公民嚟啫，就一就啦。
大叔：咁你咪自己行囉。
大叔：有咩咁大件事呀。
巴士司機：咁人哋係女仔，讓吓女仔呀。
大叔：女仔驚乜嘢呀？
巴士司機：讓吓女仔啦，讓吓女仔啦。
大叔：唔係呀，女仔驚乜嘢啫，依家佢。
巴士司機：唔係，讓吓女仔。
大叔：驚我非禮佢？
巴士司機：唔係，唔係，即係唔係呢個意思，大家就一就啫。
巴士司機：佢又驚大家撞到你。
大叔：唔緊要呀，咪撞囉。
大叔：唔緊要呀，我都唔怕畀佢撞，你咁驚仲乜啫。
巴士司機：咁咪大家就一就囉。
大叔：點解要就呀？
大叔：就咗畀佢啦，咁樣仲唔夠呀？（大叔這時身體略向左側一側身）
大叔：點解要企起身畀佢呀？佢大啲？
巴士司機：唔係呢個問題呀。
大叔：哦，即係皇帝嚟嘅？
巴士司機：唔係，唔係皇帝。
大叔：武則天女皇？
巴士司機：唔關事，唔關事，大家就一就。
大叔：真係神經病。
大叔：已經就晒佢啦，已經咁啦。
大叔：仲唔夠過呀，你咪事呀？
巴士司機：唔好意思，真係，哎呀，佢又喊啦......（影片至結束）
網民批評該位大叔拒絕起身，讓少女離開。
有網民指出，當時大叔背後有吉位，其實可以轉到吉位坐，讓少女行過，「後面已經係吉位，佢起都起唔到身，咁應該落唔到車。」
有網民表示認得大叔，「呢條友經常以呢個方法搏懞㗎。」
有網民建議司機可以報警，因為有關大叔疑正在騷擾其他乘客。
網民：「條片睇到好多空位，點解咁多位，係要咁坐埋去，乜嘢居心？」
網民：「後面已經係吉位，點解佢唔起身？」「應該叫個女仔照出嚟，睇吓阿叔係咪非禮？」
有網民指出，大叔的罵語中「我都唔介意比佢撞」一句，已經透露其動機疑似「搏懞」動機：「自己都講咗出口其實想點啦。」
詳情瀏覽：巴士阿叔鬧喊少女阻落車 坐隔離賴死唔郁 網民指一句話露色心
-----
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
關鍵字
最新回應