馮盈盈絲襪笠頭「毀容」被糟質 A0小花慘變黑面神視冇人認得

2023-03-30 18:30

由何廣沛、麥美恩、馮盈盈、郭子豪、彭慧中、方紹聰（奶仔）及羅毓儀擔任主持的新競技遊戲節目《真係唔好笑》將於星期六播出，第一集就邀請到是阮兆祥、丁子朗和游嘉欣來玩遊戲！

集首個遊戲「笑話 Falling Down」已經相當過癮，玩法是每隊派一個成員講笑話，另外一隊的成員則站在機關上，只要忍不住笑就會跌落機關直踩石春墊。這個回合的「老鼠屎」絕對是游嘉欣和羅毓儀，兩位笑點極低經常忍不住爆笑。擅長食字爛 Gag 的阮兆祥表演魔術，他拿着紙巾笑說：「信唔信我一秒鐘就可以將呢張紙變成動物？」說畢他便將紙巾撕掉（意指獅子），當中只有 Yuki 對小學雞食字爛 Gag 忍俊不禁；游游更加誇張，單單被人叫名字已經忍不住笑出聲，極低的笑點令人摸不着頭腦。至於「大隻仔」郭子豪則表現亮眼，他分別模仿阮兆祥的招牌大笑及丁子朗的扯蝦式笑聲，令對方連環失手爆笑。

【點擊睇「毀容版」馮盈盈】：

馮盈盈2016年參選港姐大熱奪冠入行，原來當年提名人是財經界人士張士佳。

同屆亞軍為劉穎鏇，季軍為陳雅思。

在J2節目《#後生仔傾下偈》言論大膽。

馮盈盈去年考獲CFA Level 1。

有指馮盈盈密謀轉行。

分成「日隊夜隊」同埋「最好唔好比人隊」進行對決。

極低笑點嘅羅毓儀完全忍唔到笑。

游嘉欣就咁畀人叫個名已經開始笑，究竟係咩玩法呢？

郭子豪扮嘢原來有一手喎。

馮盈盈女神崩壞，靚樣慘被糟質，認真可憐！

游嘉欣就被油黑塊面，變咗人肉保齡球。

其它人都走唔甩！

馮盈盈「毀容」

另一環節「笑到噴血」，玩法是兩隊各挑對方一名隊員進行化妝大改造，五分鐘限定時間之後，同隊成員要在擋板後含住「血水」忍笑，只要噴出「血水」即視為失敗，忍笑較多的一組勝出。當中兩位靚女馮盈盈及游嘉欣慘成糟質對象，身為港姐冠軍的盈盈被兜頭笠絲襪、整白成塊面、黐上「曱甴腳」眼睫毛及畫上大 Red 唇，靚樣崩壞相當可憐！至於深受宅男喜愛的游游，則慘遭畫黑成塊面兼笠上黑色泳帽，之後臉上再被畫上幾個白點，游游「黑化」後似足人肉保齡球，喜感十足。兩位靚女被弄至面目全非，造型爆笑，但有一隊竟然能夠全員忍住不笑，究竟邊一隊忍笑功力咁犀利？