掛橫額籲勿擅餵：狗狗日日有$100雞肉煲飯 網民嘩然：食得好過我｜Juicy叮

有網民早前見到一幅內容特別的橫額，亮眼點是寫明「狗狗每日都會有$100蚊雞肉煲飯，一日兩餐」，回應的網友似乎有點羡慕，直指狗狗「咁好伙食。仲好過我」。

網民早前以「請不要擅自餵飼野生狗狗喔～」為題，將相片上載至facebook專頁「好fashion呀你」，見到掛於鐵絲網上的黃底紅字橫幅印有掃把和垃圾鏟圖樣，寫有3行大字——

「狗狗每日都會有$100雞肉煲飯，
一日兩餐。請不要再餵任何食物，
太污糟邋遢，我每日都要掃走」

橫額實況及網民回應：

掛於鐵絲網上的黃底紅字橫幅印有掃把和垃圾鏟圖樣，寫有3行大字。網圖

有人猜測「會唔會啲憎狗嘅人整出來」。網上截圖

有網友坦言「伙食仲好過我……」。網上截圖

有網民表示「咁又唔知幾多隻狗share啫」。網上截圖

回應的網友形容這是「人不如狗系列」。網上截圖

回應的網友形容這是「人不如狗系列」，「好犀利，印埋布話你哋知」，坦言「我每日都係得廿蚊」、「可否煲埋畀我，我食20蚊就夠。好耐冇食過肉」、「咁好伙食。仲好過我」、「伙食仲好過我……」、「食得好過我」。

不過有網民懷疑「咁又唔知幾多隻狗share（分享）啫」，另有人猜測「會唔會啲憎狗嘅人整出來，想無人餵餓死啲狗？正常餵狗義工唔會咁做」。

還有人指，「其實咁囉，有善心係好但都要有善行，餵任何流浪貓狗都唔好放底拍吓籮柚走，一係睇佢食完清，一係轉頭執乾淨，要其他人執你手尾，爭拗多，到頭來受罪又係班動物身上」。

帖文來源：好fashion呀你

相關新聞：

「勿再投餵此貓」街招搶眼 網民爆笑：貓店長像重案賊王

「勿再投餵此貓」街招搶眼 網民爆笑：貓店長像重案賊王

相關新聞：

星島申訴王｜街坊狂餵貓店長腩二疑過肥    被主人貼街招變「元朗通緝犯」

星島申訴王｜街坊狂餵貓店長腩二疑過肥 被主人貼街招變「元朗通緝犯」

同場加映：
吐露港荒島驚現「男人寶藏」 數百XX擱淺 網民籲勿執：輕者減磅重者入院

吐露港荒島驚現「男人寶藏」 數百XX擱淺 網民籲勿執：輕者減磅重者入院

有網民近日在吐露港荒島「丫洲」，發現大批「男人寶藏」，他分毫未取，只拍照後在網上公開，不少男網民看後紛紛認同，大讚「正宗」，甚至有人以「歷史文物」來形容。

荒島「寶藏」事件在本港社交平台掀起熱議，熙熙攘攘之際，有細心網民表示勿執取，因為如「盡享寶藏」可令人「輕咗幾磅」，甚至「入院吊鹽水」。

吐露港荒島「男人寶藏」係乜東東？點擊即睇↓↓↓↓

今次發現「寶藏」的地點在大埔吐露港的荒島「丫洲」。

「丫洲」的英文島名叫「Centre Island」，中文直譯就是「中間島」，意指為吐露港正中心的島嶼。

「丫洲」面積約0.035平方公里，島上沒有居民居住，是孤懸海上的荒島。

本港fb專頁「王艾倫冒險日記」，版主本周二（21日）發表帖文，表示在「丫洲」，發現了一件「歷史文物」。

王艾倫的帖文表示：「佢唔係一D甚麼古蹟，而係來自一位男士的『珍藏』。」

原來，這些「男人寶藏」是：自家燒錄成人AV光碟，數量達數百隻。

最特別的是：每隻光碟都特別燒錄，而且碟面都寫上分類，相當有「心機」。

從相片看到這批特別燒錄的AV光碟，擱淺在「丫洲」的沙灘上，除了有日本AV片，

還有「西片」，包羅萬有。

王艾倫的帖文表示：「喺呢個串流的年代，相信唔會再有人咁整呢類珍藏......咁勤力去燒錄近百隻CD / DVD，放在CD簿裡。」

「可能事主當時係由某些原因，而忍痛要被逼將佢掟落海，但天網恢恢飄到荒島上。」

AV珍藏點解流落荒島？

由於「丫洲」鄰近大埔及馬鞍山，樓主估計物主應為大埔或馬鞍山的街坊。

「有冇大埔/馬鞍山街坊認到自己字跡... 其實認到都唔出聲啦，你自己靜靜地租艇出去拎啦。」

不少網民估計大批AV珍藏流落荒島，背後原因一定不尋常：「好新淨，掉咗唔係好耐。有可能唔係燒錄者本人棄掉。」

網民：「要結婚但條女唔俾再睇，甚至俾條女偷咗然後掉响度，我哋應該為物主送上祝福。」

網民：「會唔會係船家跌咗落海？」

網民：「可能寫真集或鹹碟，怕俾老婆/父母鬧，於是丢落鹹水海消滅咗佢點知被海水冲上嚟。」

網民：「裝置藝術：真咸碟。」

網民：「可能係因為素海霖嘅出現。」

網民：「人地可能當租迷你倉呢， 得閒去回味吓。」

網民點睇

有網民警告：「呢本嘢如果徹底重溫一次，我諗會輕咗幾磅。」

另有網民更指：「會入院吊鹽水。」

網民：「可憐無定河邊碟，猶是宅男夢裏人。」

網民：「名副其實浸過鹹水嘅碟。」

網民：「啲牒浸過鹹水，更加鹹濕。」

網民：「諗到佢丟個下都好心痛。」

網民：「今日先知原來『下海』係咁解。」

網民：「蒼井老師就咁又下海。」

網民：「時代的眼淚。」

網民：「一堆光碟，令不同年齡男人懷着相近想法，團結起來。」

「寶藏」目前最新情況如何？有網民視察後報告：「周末剛剛行完一圈，冇左了，估計有識貨之人執咗去......」有網民則估計「可能潮漲又落返海」，「男人寶藏」最終只是曇花一現。

---

《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ