初選案│稱抗爭派堅持「議會攬炒」 趙家賢 : 佢哋重清楚講明我而家喺紅線裡面

民主派47人參與「35+」初選，涉嫌爭取立法會過半無差別否決財案被控，16人否認串謀顛覆國家政權罪。趙家賢今午於西九龍法院憶述戴耀廷「唔覺得佢文章有咩問題，因為冇追溯力」。當《國安法》生效後，趙形容戴耀廷「諗住力挽狂瀾將大家言行統一嘅時候，本土抗爭派7月15日就出咗呢啲訊息，就係本身戴耀廷希望將大家踩到紅線拉返出來嘅時候，佢哋重清楚講明我而家喺紅線裡面」。

岑敖暉 : 立法會議員係絕對有權否決每一個議案

副刑事檢控專員萬德豪播放2020年7月15日抗爭派記者片段，岑敖暉揚言「財政預算案係咪會否決，我相信呢一度全部都係好堅定咁我係行使⋯⋯如果我哋能夠進入議會嘅語，我哋係會好堅定地行使《基本法》賦予畀代議士嘅權利，所以答案係『是』嘅。」及後岑再指「其實如果佢係⋯⋯如果香港係已經係落實咗五大訴求、如果係有真普選嘅話，我相信呢我哋係會有磋商嘅空間，但係如果仍然今日係暴政當道，魔警橫行嘅話，我相信我哋係無論咩嘢內容都係會否決呢一個財政預算案嘅。」岑敖暉最後重申「一個代議士，一個立法會議員係絕對有權利喺每一個法案、每一個議案、每一個撥款都係投否決，呢一個係喺《基本法》賦予每一個立法會議員非常之清晰嘅權利。如果噉樣係涉嫌顛覆國家嘅話，我非常之期待北京或者國安處或者林鄭，因為一個議員狂投否決票而將佢哋送入監牢，樂見其成。」

趙家賢7月15日發文指「會謹守崗位，堅持合法實務工作」，翌日卻宣佈退出，萬德豪追問記者會中何以為趙家賢取態帶來轉變，趙引述記者會中有人發言要「議會攬炒」，即帶來肢體衝突或投反對票，到政府因否決財案一事DQ議員，發展到國際社會圍堵中共，美國簽署法案制裁中港官員等，認為其目標不會效忠《基本法》和特區時，進而會牴觸《國安法》，當時以恆常思維人士去判斷，清楚知道要即刻退出。

趙形容當戴耀廷「諗住力挽狂瀾將大家言行統一嘅時候，本土抗爭派7月15日就出咗呢啲訊息，就係本身戴耀廷希望將大家踩到紅線拉返出來嘅時候，佢哋重清楚講明我而家喺紅線裡面咁款」。李官追問下，趙解釋當時曾與戴通電話，覆述戴指「有啲候選人言論可能已經過咗界。跟住佢有睇到文匯大公等建制派媒體報道，而佢當時就首先覺得根據普通法呢，法例訂立係根據material date（案發日期），冇得追溯嘅。喺佢角度唔覺得佢文章有咩問題，因為冇追溯力，就《國安法》7月1日生效嘅」。趙續指而因為《國安法》生效，「35+」計劃參與者言行會對計劃有所影響，故戴發訊「實際效果想做到統一口徑，溝通之後我意識到佢係想將整件事由踩到界拉返出來」。

李官就記者會提及參選人或需簽署確認書，查問何謂確認書。趙解釋選舉本身沒有確認書，惟直到2019年區議會選舉前始出現，「有啲參選人冇簽但係可以入閘，有啲參選人有簽但唔可以入閘」，然而根據法例沒有訂明參選人需要簽署確認書，「所以其實係一個行政措施，佢有冇簽但都係由個選舉主任決定能唔能夠入閘嘅」。趙說明確認書內含擁護《基本法》效忠香港特別行政區條款，亦會「將一啲《基本法》條文特別提出來要提名人士確認簽署」，而初選提名表格內含擁護效忠條款，實際上包含所有《基本法》條文及附件。

李官問到如非計劃有變，香港民意研究所民意調查本來是否「35+」計劃組成的一部份，趙同意惟補充指細節上有不同，民研一向有進行立法會選前民調，以滾動形式讓公眾參考每星期的支持度趨勢。趙續指如民動繼續參與計劃，贊助民調，民研將收集各大選區有效數據，在選前1星期公佈各出選團隊支持度高低，以助配票。趙另提到選舉延期後，民動同年8月底9月初將部份款項捐贈民研，因為戴當時希望將眾籌當中80至100萬款項交予民研研發新投票系統，以供民主派人士當選後、特首提交預算案時所用。

法庭記者：陳子豪

---     
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd   
你的獨家報料一旦被採用及報導，將獲得乙份獎品。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ