遇竊女報販回收舖守株待兔賊人折返棄鐵箱而逃事主悲嘆「手袋搵唔返」

2023-04-08 12:46

油麻地新填地街一報紙檔女檔主，今(8日)凌晨遭賊人偷去載有胞姐送贈珍貴手袋的鐵箱，她心血來潮到附近回收舖外，果發現鐵箱蹤影，估計有人想當廢鐵賣變，惟裏面的手袋已不翼而飛。女檔主心有不甘，在回收舖附近守株待兔，到清晨回收舖開門時，果見疑為偷箱賊重返現場，她趕緊上前攔截對方，賊人落荒而逃，惟箱內的手袋等財物無法尋回，女檔主不禁嘆謂「唉！箱搵返，我個手袋搵唔返呢，我最緊要係搵返個手袋！」

相關新聞：油麻地報檔遇竊被偷大鐵箱女檔主痛失胞姐送贈手袋

姓賀女檔主一度攔截賊人，惟賊人最後棄箱逃去。梁國峰攝

警員到場調查。梁國峰攝

賀女士繼續在報檔開檔。劉漢權攝

賀女士對失去胞姐贈送有紀念價值的手袋感無奈。劉漢權攝

鐵箱失而復得，但內裏的手袋及部分書籍已不翼而飛。劉漢權攝

賀女士不禁嘆謂「唉！箱搵返，我個手袋搵唔返呢，我最緊要係搵返個手袋！」劉漢權攝

61歲姓賀報檔女檔主，在新填地街182號擺檔10年，亦曾在對面街擺檔3年，在街口亦擺了3年，從事報檔一共16年，她坦言「成日都有人嚟攞走啲嘢，我唔知咩人偷，大部分呢條街嘅人都唔會攞嘢，我擺咗（鐵箱）喺出面好耐。」

鐵箱事小，惟放在鐵箱內的手袋卻是彌足珍貴。「個手袋係我家姐送畀我，我家姐幾年前，佢先生返嚟探親，特登喺美國帶返嚟畀我嘅，我唔捨得用，全新，未用過，白色，你知我做報紙好污糟，唔捨得用，我想留返佢。真係幾靚，我咪冇用到，咁今年過年，我想用，就擺咗出嚟，擺咗箱入面，依家就唔見咗。」

她今早凌晨4時許返回開檔，鐵箱上面放有一些雜物，見那些雜物跌在地面，鐵箱卻不見了，入面有約值3000元的手袋、衣服及書籍，因為過往曾遇竊，她估計鐵箱有可能被賊人推去回收，她心血來潮走到約500米外砵蘭街36號的廢紙回收舖查看，果見到鐵箱在一架手推車上面，但鐵箱內的手袋已失蹤。她懷疑賊人想當廢鐵賣變。