黃文慧·專訪｜曾開酒店擁十幾層樓為事業失嫁豪門機會擲18萬準備身後事

2023-04-09 10:30

縱橫演藝圈57年的資深演員黃文慧（Bonnie姐），過去曾參演無數電影、劇集和舞台劇，由於演繹潑辣奶奶及邪牌反派居多，因而在觀眾心中留下硬朗形象。然而私底下，72歲女人仔黃文慧年輕時同樣強勢，當年為闖一番事業，她不惜把精神時間全奉獻給幕前及生意，結果一生工作耽誤了愛情。經歷大起大跌後已年華老去，仍屬單身貴族的黃文慧卻無怨無悔，所謂「Never too late（有心唔怕遲）」，近日宣傳主演電影《死屍死時四十四》時，她笑言：「我錯過少女年代嘅浪漫拍拖鬥紅鬥豔，而家就要過我少女時代嘅生活……」

【點擊睇黃文慧從演之路】

現年72歲的黃文慧縱橫演藝圈57年，過去曾參演無數電影、劇集和舞台劇。

黑色喜劇《死屍死時四十四》日前上畫，兩大老戲骨黃文慧（右四）和劉江（右三）的爆笑演出成為焦點，更令導演何爵天拍攝時不斷加戲。

電影《死屍死時四十四》由一具赤裸屍體被發現在某私人屋苑單位門前展開，同層的四家人為免樓價大跌，合力將屍體運出該同層，因而發生連串既荒誕又爆笑的事件。

黃文慧與劉江飾演銀髮夫婦Betty和Boron，是該棟大廈住客之一，愛得癡纏的二人互動生鬼，仲爆出不少金句，絕對是電影《死屍死時四十四》中的MVP！

提到角色預早計劃身後事，現實中，在澳門出世的黃文慧自幼隨家人移居香港，因此將來離開人世後，她希望與家人同葬澳門。至於會否把遺產捐出？她說：「得雞碎咁人哋都唔吼啦，有多餘剩冇人認都係政府沒收咗佢，不過我仲有啲姨甥姪仔喺度架嘛。」

家有六兄弟姊妹的黃文慧排行第五，胞兄是有「西貢視帝」之稱的已故男藝人黃樹棠（右）。1965年，黃文慧與黃樹棠一起報考電影公司「仙鶴港聯影業」舉辦的藝員訓練班，當年簽下5年合約的她月薪500元，唯一條件是不准拍拖結婚，否則需賠錢給公司。

1966年出道初期，黃文慧除參演粵語電影外，同時兼任時裝模特兒、登台走埠及參與舞台劇，當年15歲的她首次接拍粵語片《玉女英魂》已不惜化核突老妝，扮演比她年長16歲的曾江的母親，劇情仲講述她後生被人強姦，甚有發揮。（《玉女英魂》截圖）

1968年，黃文慧（左）獲資深電視人周梁淑怡邀請加入電視圈，成為無綫電視旗下藝人。早期走性感路線的黃文慧，後來轉型演盡反派、邪牌配角，逐漸成為一名甘草演員，她曾參演的TVB劇包括《家變》、《強人》、《絕代雙驕》及《京華春夢》等。（《京華春夢》截圖）

1983年，黃文慧在TVB劇《射鵰英雄傳》飾演「梅超風」一角，她曾透露開拍前一度嫌醜拒演，幸最終聽從監製王天林建議接拍，結果角色讓她聲名大噪。黃文慧指，多年後在瀋陽拍外景，其間被大批影迷認出，她才知道該劇如此受歡迎。（《射鵰英雄傳》截圖）

後來黃文慧（右）一度淡出幕前搞生意，至1990年獲導演杜琪峯邀拍電影《天若有情》，繼而回歸電影圈。多年來，她曾演出不少電影包括《賭神3之少年賭神》、《98古惑仔：龍爭虎鬥》及《春嬌救志明》等。（《天若有情》截圖）

2002年賀歲片《嚦咕嚦咕新年財》可算是黃文慧的代表作之一，片中她飾演劉德華患腦退化症的媽媽，與未來新抱（梁詠琪飾）的一段打牌戲成為經典場面。黃文慧憶述，當年一場唸食糊數番的急口令獨腳戲，她足足NG了50次，仲緊張到流晒汗。

2002年，黃文慧（左）於電影《我左眼見到鬼》中飾演Daniel（劉青雲飾）母親。

2012年，黃文慧（左二）於電影《爛賭夫鬥爛賭妻》中飾演舒奇（杜汶澤飾）及舒青（李思蓓飾）之母。

亞視經典劇集《我和殭屍有個約會》去年開拍電影版《驅魔龍族馬小玲》，黃文慧代胞兄黃樹棠出演「求妹（何無求）」一角。

亞視經典劇集《我和殭屍有個約會》去年開拍電影版《驅魔龍族馬小玲》，黃文慧（左）代胞兄黃樹棠出演「求妹（何無求）」一角。

黃文慧也曾效力亞視，並演出過《法內情2002》、《萬家燈火》、《媽媽我真的愛你》及《情陷夜中環II》等劇集。（《香港奇案實錄》截圖）

黃文慧早年簽約香港電視，拍下《第二人生》、《歲月樓情》、《惡毒老人同盟》及《夜班》4齣劇集。（《惡毒老人同盟》截圖）

近年黃文慧（前左二）亦有為ViuTV劇集演出，最新一齣是與AK（江𤒹生）、歐錦棠、談善言等合拍的《打天下2》。

80年代尾，黃文慧已活躍於香港影視劇團的舞台劇演出，2005年她憑《攣到爆》入圍「最佳女配角（喜劇/鬧劇）」，2010年再憑《霧夜謀殺案》獲提名香港舞台劇獎「最佳女配角（悲劇/正劇）」。

對做生意感興趣的黃文慧，1975年曾前往菲律賓打理與友人合資開設的時裝入口公司，1980年初拍畢《京華春夢》後又修讀酒店管理證書課程，之後跟胞兄黃樹棠及友人先後經營燒臘店、日本餐廳，以及在廣州開設酒店。

少女時期的黃文慧好靚女，仲好多有錢佬追，但她不甘做小三或嫁人：「出嚟跑江湖都係想搵錢，點解要咁快俾人綁住，我覺得自己要闖一番世界、做我自己鍾意嘅嘢，結果一個Job一個Job咁接，又遇唔到喎，時光咪過咗囉。」

雖然專心拚搏事業令她單身至今，但黃文慧絕不覺得遺憾：「我係隨遇而安，又冇抗拒架喎，不過我外表好硬朗，啲人就唔敢埋嚟，其實我耳仔軟、好錫屋企人，只係唔鍾意靠人。」

72歲黃文慧現時也不抗拒愛情，若生命中再次出現一位令她傾慕的單身男士，她直言可以一試。問到擇偶條件？黃文慧望一望身邊的拍檔劉江，並怕醜答︰「我鍾意有性格、令我佩服佢嘅，同埋好似劉老師咁嘅Look。」

由何爵天執導的電影《死屍死時四十四》，以黑色幽默方式諷刺香港樓價高企的荒謬現實，飾演業主Betty的黃文慧與老伴Boron（劉江飾）預早計劃身後事，甚至選定將來下葬的墓地。現實中，原來黃文慧在疫情前已擲18萬元，透過行內朋友在家鄉澳門買下龕位，惜至今仍未有下文，她無奈道：「我去望過，環境好靚架，Design得嚟唔似嗰啲嘢，不過唔知係咪泡咗湯，呢三年幾我打畀佢都有覆，但一提龕位就唔睬我，面對面問佢又話『得啦，我同你保管唔好咩』，希望呢單嘢唔好不了了之啦。」

當談及立遺囑一事，雖慨嘆現時「一無所有」，但黃文慧愈講愈起勁，私下如傻大姐的她還展現女強人一面，細訴昔日投資、創業的風光事跡。1966年出道的黃文慧，曾效力無綫、亞視、港視及ViuTV，拍過不少劇集與電影，尤以《射鵰英雄傳》中「梅超風」一角及《嚦咕嚦咕新年財》扮演腦退化症奶奶最為人熟悉。其間她一度淡出創業，先後跟友人合資時裝入口公司、燒臘店及日本餐廳等，至80年代初拍畢《京華春夢》，黃文慧修讀酒店管理證書課程後，跟同學和姐夫北上開設廣州富豪酒店，「嗰時一隻杯、一粒方糖、一包麵粉、牀褥被鋪……全部係我同女秘書一齊去搵供應商，我哋推住架Lobby行李車沿太子道運上車再直送廣州，啲苦處唔講，但我係鍾意創一啲嘢出嚟，好嚮往喺工作上攞成就感。」

工作耽誤愛情單身仍不放棄

最高峰時期，黃文慧坐擁兩間酒店及十多個物業，包括西灣河鯉景灣、屯門黃金海岸及澳門十個單位，惜後來遇上社會動盪，如今只剩下當年買給父母的一間居屋，但她仍豁達面對：「你個命運、人生就係咁，咪順境去做人囉，怨得邊個！幾十歲人仲求咩呢？有瓦遮頭咪算囉。」除資產損失外，黃文慧亦賠上青春，自認工作狂的她當年寧選麵包不顧愛情，導致錯失良緣單身至今，「我以前都唔憧憬愛情、唔浪漫架，我鍾意柴娃娃一班人BBQ、游水、跳舞，玩到攰第二朝又開工。嗰時好多台山嬸娘介紹美國阿伯啲仔畀我，我相睇過幾次，但廿幾歲百厭妹邊肯嫁，如果結婚就要離開呢個圈，我咁辛苦入行，一啲成績都冇就走唔甘心嘛，可能嫁咗都離婚嘅，命運呢鋪我唔敢賭。」

回想少女時代的戀愛史，黃文慧稱過去兩前度都是名門望族，差一步便嫁入豪門，惜強硬個性致戀情無疾而終。不過，當時年輕貌美的她也不乏追求者：「好多狂蜂浪蝶嗰啲我唔會騷佢，追我啲男人個個都有名譽地位，但我唔甘心做小三，我自己都出嚟跑江湖，使咩要咁啫。」愛情上抱持「佛系」心態的她，後來一直遇不到合適對象，但單身多年也從不覺遺憾。那麼現時可望脫單？黃文慧笑道：「可以嘅，我而家Single and available。（擇偶條件？）我鍾意有性格、令我佩服佢嘅，同埋好似劉老師咁嘅Look，乾乾淨淨，如果早遇到佢（指劉江）我實吼住佢。」

採訪：黎寶倫
攝影：鄧國良
化妝：Yannis Yip
髮型：Louis Tse@Number 8 Salon