李施嬅寧願留錢買樓 訂婚兩年嫌擺酒結婚太貴

李施嬅獲邀出席樓盤發布會，更即席以三角鋼琴彈奏出美妙的音樂。原來李施嬅在5歲開始學琴，更考獲10級鋼琴資格，過去甚少作公開演出，只曾在台慶上表演。

李施嬅在5歲開始學琴，更考獲10級鋼琴資格。

李施嬅獲邀出席樓盤發布會，更即席以三角鋼琴彈奏出美妙的音樂。

然而，近日因忙於拍攝新劇《NEWS新聞女王》，難抽時間練習，加上今次演出與在場人士的距離很近，她坦言非常緊張：「彈琴嗰陣其實我隻手震緊，希望大家唔會留意到！」

向來投資有道的她，喜歡投資與地產相關的產品，但在港的物業不多。李施嬅說︰「我自己就有一層，用嚟投資嘅，自己就出去租屋。因為第二層樓釐印費貴，所以香港只係得一個單位。不過，最近都想賣走單位，換個自己想住嘅dream home。」她透露自己在新加坡及美國均有投資物業，但多是夾份形式，更自豪表示在投資地產項目上一路都遇到好嘅樓盤同投資機會，所以從未失手，更看好香港的樓市。

李施樺在港擁有一個物業，但打算賣出。

李施嬅覺得擺酒又攰又貴。

談到理想dream home，李施嬅說首要條件是望海，而且要私隱度高。「我都睇咗成年，想要大約1千呎三房單位，一間係主人房、一間係衣帽間，一間比在加拿大嘅媽媽來港玩嘅時候住。不過，一定要望到海，因為可以令到我放鬆，可以去露台坐吓睇吓景。」

施嬅於2021年與男友訂婚，但婚期一直未定，她坦言：「可以考慮把搞婚禮的錢用作置業用途，好多人都問我幾時結婚擺酒，但一路都冇時間諗擺酒。兩個人一齊互相信任感覺穩定，其他嘢都唔太重要。講真，平日都已經着到靚靚，擺酒又攰又貴，我哋兩個都超忙，冇時間籌備，不如將擺酒嘅錢擺落層樓度仲輕鬆。擺酒對我嚟講唔太重要，不過都要尊重雙方父母親戚，大家商量吓，再睇吓點。」

《星島頭條》新網站有更多精彩內容：http://www.stheadline.com/