港鐵野蠻婆婆發茅起批踭 險撞女童被斥 辱罵其母：「你差人老婆嚟㗎？你巴閉啦！」｜Juicy叮

網絡熱傳一段港鐵衝突影片，有母親帶同年幼女兒搭西鐵竟遇野蠻婆婆，婆婆公然在車廂內帶大批菜蔬放地上揀選，期間險撞女童。

其母出言斥責反激起婆婆發茅，雙方爭執期間，婆婆起批踭撞跌女童母親手機，更辱罵女童母：「你差人老婆嚟㗎？你巴閉啦！」

直擊港鐵野蠻婆婆發茅起批踭 辱罵女童母｜足本字幕版↓↓↓↓

（事發在本周一（17日），事主指當時正和女兒搭乘往烏溪沙的西鐵。）

（一名婆婆帶同大批菜蔬上車，並放在車廂中揀選整理，期間差點撞倒其女兒，事主因此斥責婆婆，未料婆婆反應激烈，雙方爆發罵戰。）

女童母：繼續鬧呀！

婆婆：邊有鬧呀，咩叫做鬧？

婆婆：你講嘢就唔係鬧？

婆婆：你仲咩呀你！

（婆婆突向女童母起批踭，將女童母手機碰跌落地）

女童母：你打我喎，我報警㗎！

婆婆：邊個打你呀，我都會影你，

婆婆：我一樣影返你，唔係剩係你識影我，

婆婆：你唔好啦，使乜驚啫，

婆婆：你啱呀，你無錯。

婆婆：你無錯呀嘛。

女童母：你遮呀嘛，

女童母：你使乜遮住你個樣呀？

婆婆：人哋無掂到你，就唔好係到講嘢，

婆婆：如果我真係high到你，你真係出聲呀，

婆婆：仲咩呀，你呢啲梗係差人老婆嚟㗎，咁巴閉，開口埋口話報警，

女童母：我係XXX職員（某政府部門），你啲仔女就去報警。

婆婆：乜嘢話？

婆婆：你啲差人老婆嚟㗎，開口埋口話報警，你巴閉啦你！

女童母：香港都法治之區嚟㗎！

婆婆：法治之區......

婆婆：我都無掂到你既女，你講乜啫，我掂到你就話啫

（片尾傳來疑為之前險被撞倒的女童哭聲，未知是否女童因為衝突受驚哭泣）

事發在本周一（17日），事主在指當時正和女兒搭乘往烏溪沙的西鐵，一名婆婆帶同大批菜蔬上車，並放在車廂中揀選整理，旁若無人，期間差點撞倒其女兒，事主因此斥責婆婆，未料婆婆反應激烈，出言辱罵她。

雙方衝突期間，一度拿手機互拍，事主當時揚言會報警，但她其後表示由於趕時間，最後都沒有報警。

網民批評婆婆行為野蠻無公德心，在車廂內阻礙乘客有可能觸犯法例，而且向事主起批踭，訴諸暴力亦屬不當行為。

有網民建議事主如遇同類情況，可以向港鐵職員投訴，不用舉手機拍攝婆婆，避免挑起對方情緒，引致更大衝突。

根據在公眾地方造成阻礙（《簡易程序治罪條例》第4A條），任何人陳列或留下任何物品或東西，而這些物品或東西對在公眾地方的人或車輛造成阻礙、不便或危害者，可處罰款$5,000或監禁3個月。

同場加映：偽明星MMA｜翻版谷德昭VS家英哥 最後一招估你唔到咁屈機 網民：頂唔順喇！↓↓↓↓

網民近日熱議一段疑似明星MMA影片，兩男因為被指酷似翻版谷德昭和羅家英，被網民戲稱為「谷德昭VS家英哥」MMA(綜合格鬥)，兩人衝突出招異常獨特攪笑，翻版「肥谷」最後一招更是勁「屈機」，不少網民邊睇邊嗌：「頂唔順喇！」

網民近日熱議一段疑似明星MMA影片，兩男因為被指酷似翻版谷德昭和羅家英，被網民戲稱為「谷德昭VS家英哥」MMA(綜合格鬥)，兩人衝突出招異常獨特攪笑，翻版「肥谷」最後一招更是勁「屈機」，不少網民邊睇邊嗌：「頂唔順喇！」

片中涉事的兩名男子，一名身材肥胖男外貌和舉手投足似足「肥谷」谷德昭。（《少林足球》劇照）

另一人身材瘦削、頭戴單車頭盔，該瘦削男被指聲音似足「家英哥」。（《國產零零漆》劇照）

影片未有交代兩人爭執原因，翻版「家英哥」疑似是外賣員，有人懷疑是「家英哥」踏單車撞到「肥谷」所致，但有人則從兩人人對話懷疑是「肥谷」撞到送外賣的「家英哥」。

翻版「肥谷」：有本事郁我！

翻版「肥谷」：你有本事嚟郁我呀，X頭！

翻版「肥谷」：你呢條X頭正X頭，有本事郁我呀！

翻版「家英哥」：你唔好再係到『阿支阿左』呀！

翻版「肥谷」：嗱，我無掂過你！

翻版「肥谷」：我掂你頭盔。

翻版「肥谷」：我掂你頭盔都可以！

翻版「肥谷」：我掂你頭盔都可以！

翻版「肥谷」：我掂你頭盔都可以！

翻版「肥谷」：我掂你頭盔都可以！

翻版「肥谷」：我掂你頭盔都可以！

翻版「肥谷」：有本事郁我呀！

翻版「肥谷」：嗱嗱，咁多人睇住呀，

翻版「肥谷」：嗱嗱，咁多人睇住呀，

翻版「肥谷」：有本事郁我呀！

翻版「家英哥」：你試吓拍得下呀啦。

翻版「家英哥」：我X你既老X臭X！

翻版「肥谷」：你有本事郁我呀！

翻版「肥谷」：我係咁X屎，

翻版「肥谷」：你唔好理，

翻版「肥谷」：總之好犀利！

翻版「肥谷」：總之好犀利！

翻版「肥谷」：總之好犀利！

翻版「肥谷」最後一段「就係好犀利」獨白，加上跨張手勢，被網民喻為屈機絶招。

網民貼圖笑指被兩人笑死。

網民以圖表示兩人勁屈機。

網民：「一睇到：我係咁X屎，你唔好理，就係好犀利，又加埋個手勢，就笑到停唔到。」

網民：「最後嗰下…笑咗。」

網民：「頂唔順喇～～～」

「肥谷」掂頭盔理論，網民即時替處下風的「家英哥」想反擊理由：「掂返佢眼鏡囉。」

網民：「點解打頭盔係無罪？甘X犀利。」

網民：「用頭盔扑落去囉，係頭盔打你。」

網民：「我唔係打你下面，我打你條褲。」

網民：「其實你有頭盔保護性高對面咁多，可惜人地磅數有番咁上下。」

網民：「攞你命三千。」

網民：「2件蕃薯只懂得打嘴炮，裝胸作勢。」

不過有網民懷疑影片可能是擺拍：「究竟係做騷抑或想真開片呢 ？仲話明周圍好多人睇添 ？」

 

詳情瀏覽：偽明星MMA｜翻版谷德昭VS家英哥 最後一招估你唔到咁屈機 網民：頂唔順喇！

------

《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ