未來奶奶痛心阿仔幫女友買Ｍ巾港女唔服氣：有咩問題先？｜Juicy叮

2023-04-30 07:34

一名港女日前在「香港討論區」，不服氣地以「男朋友阿媽話唔可以叫男人買呢樣嘢……」為題發貼，講述未來奶奶唔鍾意阿仔幫她買M巾（衛生巾）。

結果，回應的網民意見有正有反，力撐港女的指「我都幫女友買」，認為「都係日用品一種，邊個買都得」，反問「唔通流住血咁去買咩？」；站在未來奶奶一方的則指，「又真係唔啱！自己用，自己買」、「一次半次其實又冇所謂，不過唔應該老馮」。

樓主帖文及網民回應：

樓主講述未來奶奶唔鍾意阿仔幫她買M巾（衛生巾）istock圖片

樓主以「男朋友阿媽話唔可以叫男人買呢樣嘢……」為題發貼。網上截圖

港女：男人M買巾有咩問題先？istock圖片

網民指「咁小事，點解唔可以買？」。網上截圖

網民讚樓主男友「真係好」。istock圖片

有網民指「0分，不過若真，事無大小都會和媽報告的男人，小心」。網上截圖

網民指M巾「都係日用品一種，邊個買都得」。istock圖片

網友稱「又真係唔啱！自己用，自己買」。網上截圖

有網友支持男人代買M巾。istock圖片

網民「既然伯母唔鍾意，順佢意攞」。網上截圖

有網民將重點放於「妳男朋友會同佢阿媽講幫妳買M巾？」。istock圖片

網民指「呢個世界唔係男就女㗎啦。咁緊急情況唔係身邊人幫手，唔通流住血咁去買咩？」。網上截圖

樓主反問「男人買M巾有咩問題先？」。istock圖片

樓主講述事情的背景時指：「上星期我M（經期）到，有一晚發現冇晒M巾自己唔知，我好少咁大頭蝦冇買定存貨㗎，就迫住問我男朋友可唔可以幫我去買。

男朋友都好，話梗係可以啦，仲好搞笑咁問我要點樣揀？問我要有翼定無翼，咁多款應該要點揀？我畀咗張圖佢，叫佢跟住張圖去買……佢好順利買咗佢人生第一次衛生巾，果時覺得自己男朋友好貼心，真係好。

點知我男朋友阿媽知道咗佢仔幫我買M巾，竟然叫我唔好再叫佢個仔買呢啲嘢……佢話係街人哋見到會以為佢仔係變態喎！！！我男朋友都有答返佢媽，唔覺得尷尬同埋唔覺得人哋有用奇異眼神望住佢。係人都知應該係幫人買啦……點會係變態。佢呀媽最後仲要話我好心接近用晒就要買定啦，就唔駛搞咁多嘢……

好無奈……明明佢都係女人，點解咁諗？男人買M巾有咩問題先？」

回應的網民大都認為，這是男友或為人丈夫的體貼表現，但也有人持反對意見：

支持男人代買M巾：

「真係好」、
「好少事啫」、
「我都幫女友買」、
「唔覺有乜問題喎」、
「咁小事，點解唔可以買？」、
「都係日用品一種，邊個買都得」、
「痴線佢阿媽，唔洗答佢，當聽唔到」、
「好老公，你愛他就唔會覺得尷尬啦！」、
「呢個世界唔係男就女㗎啦。咁緊急情況唔係身邊人幫手，唔通流住血咁去買咩？」、
「我老婆啲M巾都係我幫佢買，我就唔覺得尷尬。有時佢喺U記網購咗啲bra同底褲要去門市拎，因為順路，都係我去拎」。

不過也有網民抱不同看法：

「唔好小事變老馮就啱」、
「又真係唔啱！自己用，自己買」、
「一次半次其實又冇所謂，不過唔應該老馮」、
「有啲嘢即使睇落小事唔介意，但都要顧及當事人同周圍人感受，就如買內衣褲，阿媽可以幫仔買，但阿爸唔會幫女買一樣（即使單親）」、
「小事。既然伯母唔鍾意，順佢意攞。如同女仔著熱褲，男人出街著拖鞋，女人去買偉哥，真係有問題嗎？其實唔係大件事，但就係有人會唔鍾意」、
「女人唔好咁大頭蝦，M巾一定要有足夠存貨，唔係用晒先買，係用剩一包就已經要補。用廁紙乜都好塾住先，自己行兩步落街買都得啦，除非痛到唔郁得要搵人幫手啫。屋企真係無人幫手買？叫男朋友幫手，最好只此一次，家下雖然男女平等，但勿讓過於私密的事當無所事事」。

另有網民將重點放於「妳男朋友會同佢阿媽講幫妳買M巾？」、「0分，不過若真，事無大小都會和媽報告的男人，小心」。

帖文來源：香港討論區