結婚廿年發現「老公出面有女人」人妻瀕崩潰網民咁開解......｜Juicy叮

2023-05-01 07:34

一名結婚20年育有3名子女的資深人妻，早前以「發現老公出面有女人，仲係有夫之婦」為題在網上「香港討論區」發文，糾結是否拆穿事件，與丈夫攤牌。

回應的網民各有心思，有人勸「靜觀其變、冷靜、唔好小事化大事」，有人著眼於錢銀及子女，建議「搞清楚自己的經濟狀況先，考慮到子女，把個人情緒放低先」，並忠告「三思，三思，三思」。

樓主帖文及網民回應：

樓主糾結是否拆穿事件，與丈夫攤牌。istock圖片（非當事人）

樓主帖文。網上截圖

樓主「發現老公出面有女人，仲係有夫之婦」。istock圖片（非當事人）

網民回應。網上截圖

樓主糾結是否拆穿事件，與丈夫攤牌。istock圖片（非當事人）

樓主育有3名子女。網上截圖

樓主結婚20年。istock圖片（非當事人）

網民指「比著我真係接受唔到，會離婚」。網上截圖

網民提醒「搞清楚自己的經濟狀況先，考慮到子女，把個人情緒放低先」。istock圖片（非當事人）

網民指有兩條路：拆穿同扮唔知。網上截圖

網民稱「你要學吓當老公死咗，話知佢做乜，只要俾錢養家」。istock圖片（非當事人）

網民忠告「三思，三思，三思」。網上截圖

樓主發長文表示：「我同老公成20年感情，有3個仔女」。istock圖片（非當事人）

網民積極回應。網上截圖

樓主知道丈夫一向有喺出面偷食。istock圖片（非當事人）

樓主回應網民時指，「我並無大吵大鬧，因我唔係一哭二鬧三上吊嘅女人」。網上截圖

樓主指「朋友叫我唔好拆穿佢，就當大家搭夥過日子」。istock圖片（非當事人）

樓主發長文表示：「我同老公成20年感情，有3個仔女，佢對屋企畀足錢。但一向好少理家中嘢，大部分時間都係我和他阿媽打理。

我知道佢一向有喺出面偷食，但果D係建立係金錢上面。我隻眼開隻眼閉。但最近發現他同一個女人（有老公）動咗真感情。而且佢會夜晚每隔一至兩日就見面。在家一直微信。一直keep（保持）住，因為個女人話明，我老公唔使係佢身上使錢。因為個女人有錢」。

樓主續指「朋友叫我唔好拆穿佢，就當大家搭夥過日子，因為仔女行先。但我一時三刻都好難做到。因為心裏面仲係有佢」。

樓主回應網民時指，「我並無大吵大鬧，因我唔係一哭二鬧三上吊嘅女人。因為知道老公同外面女人對話（自己暗中查到），佢地兩個都以不想影響自己家庭。但會一直保持互相聯繫，或者兩人有相同嘅話題。就算我暗示過（做出這些行為時可否考慮一下我感受）。佢可能老公為咗仔女，應該暫時都唔會同我離」。

她續指，「相處20年感情，唔係短時間。我比較重感情。我最年輕20年都畀晒頭家同佢……生活重心都在家庭。唔係一時三刻可以當佢死」。

網民回應：

「比著我真係接受唔到，會離婚」、
「搞清楚自己的經濟狀況先，考慮到子女，把個人情緒放低先」、
「你要學吓當老公死咗，話知佢做乜，只要俾錢養家，你就老定。到仔女大個，就係你嘅天下，到時你去邊都得」、「嘅然老公變心，為咗仔女，相信行呢步都係權宜之計」、
「3個小朋友。如果你要離婚，想要幾個？然後自身能不能滿足到以後的生活。如果唔得就係要考慮。忍唔到又唔想離婚住就直接講咯。你出去搞，但返來唔好搞我就得了」。

另有網民詳細分析：

•「首先，妳要諗清楚妳拆穿佢的後果會係點？佢會改過？定係會離婚？離婚後妳帶住三個細路點樣生活？20年了，妳年紀都唔輕啦！估計妳亦唔會再搵另一個男人，所以我勸妳都係當唔知算啦。佢地係咪真係有感情，要佢地自己先知的，或者兩個都只係玩玩下，當然最終決定點做，係妳自己的決定！三思，三思，三思」。

•「如果樓主主動提出離婚，而離婚，咁......你損失更大、返唔倒轉頭同後悔。老公大不了玩吓玩吓，好似細路哥玩玩具咁，遲D就會厭。你無小朋友而離婚尚可以，而家有三個，就唔係咁簡單。就算你大把錢養得起，唔使靠老公，但小朋友唔可以失去父母。你再嫁老公再娶，都唔係小朋友親生父或母。做個好媽媽，唔使教老公做人，佢都咁大個」。

•「首先
1) 你小朋友幾大
2) 無咗佢嘅金錢，你自己可以應付幾多？
3) 小朋友分配
兩條路：拆穿同扮唔知
要諗下自己拆穿之後嘅生活，如果接受唔到佢出軌，你又應付到生活嘅話頭都唔回啦。相反如果仲好愛佢，又接受唔到後果，又唔捨得失去佢，唯有死忍」。

•「女人一係做好媽媽、好新抱，一係做好老婆。要兩樣都好，好難。女人做好老婆係孤注一擲，好冒險同好靠唔住。因為男人天生花心漂泊，家有溫暖都好，佢走出去滾吓，有夫之婦又好，離婚婦又好，有兩點要知，佢是咪大家講到明有家庭同偷情，動機為乜。
站在樓主一方，要靜觀其變、冷靜、唔好小事化大事。如果係叻男人，佢自有分數。你暫作唔知，以及對老公好D甚至溫柔D。等佢明白老婆心知肚明但唔攪大佢，要老公適可而止收斂，咁.....你就成功。

註：本人已婚四十多年，過往亦有多次婚外情，而老婆起初亦睇唔開，要自殺。但經過我嘅處理方式及用心，到今時今日，我D婚外情人係好朋友，太太依然深信我係愛佢一輩子」。

帖文來源：香港討論區